मोटरसाइकलले साईकलयात्रीलाई ठक्कर दिँदा एक युवकको मृत्यु

सिराहा । सिराहाको औरही गाउँपालिका १ दरैहियास्थित सडकमा बरियारपट्टीबाट औरहीतर्फ जाँदै गरेको म. प्र. ०१-००४ प ८२२८ नम्बरको मोटरसाइकलको ठक्करबाट साईकलयात्रीको निधन भएको छ ।

सोही ठाउँ बस्ने २२ वर्षीय रमेश मण्डलको शुक्रबार राति मृत्यु भएको हो । ठक्करबाट गम्भीर घाइते भएका उनको सप्तऋषि अस्पताल लहानमा उपचारको क्रममा मृत्यु भएको हो ।

साथै दुर्घटनामा घाइते भएका मोटरसाइकल चालकको नोवेल अस्पताल विराटनगरमा उपचार भइरहेको छ । यस सम्बन्धमा अनुसन्धान भइरहेको प्रहरीले जनाएको छ ।