नेपालमा काइ एक्स ३ प्रो कार सार्वजनिक, यस्तो छ फिचर सहित सम्पुर्ण जानकारी

काठमाडौँ । नेपालि बजारमा काइ ईभि गाडिको आधिकारिक बितरक लक्ष्मि इलेक्ट्रिक मोबिलिटिले काइ एक्स ३ कार सार्वजनिक गरेको छ ।  कारमा १२० किलोवाटको पर्मानेन्ट म्याग्नेट मोटर रहेको छ भने कारको लम्बाई ४४००, चौडाई १८३१ र उचाई १६४६ मिलिमिटर रहनुका साथै ह्विलबेस २६३२ एमएम रहेको छ ।

कम्पनिले बताए अनुसार यस एक्स ३ कारमा म्याक्स पावर १६३ पि.एस र म्याक्स टर्क २८० एनएम पाउन सकिनेछ । एफ डब्लु डि ड्राईभ टाईप रहेको यस कारले प्रति घण्टा १५० किलोमिटर टप स्पिड प्रदान गर्ने पनि कम्पनिले जनाएको छ । कारको ब्याट्रि क्यापासिटि र ब्याट्रिको रेन्जको कुरा गर्नुपर्दा कारमा ५३.६ किलोवाटको ब्याट्रि र त्यस ब्याट्रिले ४०१ किलोमिटरको रेन्ज दिनेछ ।

एक्स ३ कारमा ३.३ किलोवाटको ए सि चार्जरबाट फुल चार्ज हुन १८ घण्टा साथै १० % बाट १००% चार्ज हुन ७ किलोवाटको ए.सि चार्जरबाट ८ घण्टा र ३०% बाट डिसि फास्ट चार्जरबाट ८० % चार्ज हुन ३० मिनेट लाग्ने कम्पनिको दाबि छ । कारको टायर फ्ल्याकसिप र डिलक्स रहेको ट्युबलेस टायर उपलब्ध रहेको छ । कारमा एयरब्याग,रिजेनेरेटिभ ब्रेकिङ र अटोहोल्डको सेफ्टि सिस्टम रहेको साथै म्याक्फर्सन स्ट्रट र मल्टि स्टेप–लिङ्कको सस्पेन्सन् सेटअप पनि रहेको छ ।

५ सिटिङ क्यापासिटि भएको यस काइ एक्स ३ कारमा ३६० लिटर / ११०० लिटरको भण्डारण क्षमता रहेको छ भने यस कारमा ग्राउन्ड क्लियरेन्स १८३ मिलिमिटर पाउन सकिनेछ । ग्रे,रातो,सेतो र निलो कलरमा उपलब्ध यस कारको जम्मा तौल १५२० केजि छ । कम्पनिका अनुसार यस काइ एक्स ३ कारको मुल्य ४६ लाख ९६ हजार देखि ४८ लाख ९६ हजार सम्म रहेको छ ।