चाङगन नेभो इ ०७ ईलेक्ट्रिक एसयुभि कार पिकअप फंक्सन सहित भित्राउने तयारि

मौसम गौतम / काठमाडौँ । एम ए डब्लु बृद्धि अटोकर्पले नेपाली बजारमा पिक अप फंक्सन भएको चाङगन नेभो इ ०७ ईलेक्ट्रिक एस यु भि कार भित्राउने तयारी गरिरहेको छ ।

यस गाडिको स्पेसिफिकेसन सम्बन्धि कुरा गर्दा यसमा २५२ किलोवाटको पि.एम.एस.एमको इन्जिन रहने छ । त्यस्तै गरि डिमेन्सन भने ५०४५ एमएमको लम्बाई १९९६ एमएमको चौडाई र १६४० एमएमको उचाई रहने छ । यस कारको ह्विलवेस ३१२० एमएम, म्याक्स पावर ३४२.६ पि.एस र म्याक्स टर्क एन/ए रहने कम्पनिले बताएको छ । आर डब्लु डि ड्राईभ टाईप पाउन सकिने यस चाङगन नेभो इ ०७ ईलेक्ट्रिक कारको टप स्पिड प्रति घण्टा १८० किलोमिटर रहेको छ ।

कारको ब्याट्रि क्यापासिटि ७० देखि ९० किलोवाट टर्नरी रहेको साथै यस कारले ५५१ किलोमिटर देखि ६५१ किलोमिटर सम्म रेन्ज दिने कम्पनिले जनाएको छ । २० इन्चको टायर साईज रहेको यस कारको ग्राउन्ड क्लियरेन्स म्याक्स २०७ एमएम रहने कम्पनिले जनाएको छ । कारमा एडजस्टेबल एयर सस्पेन्सन जडान गरिएको हुनेछ ।

५ सिटर क्यापासिटि रहने यस कारमा सेफ्टि सिस्टमको कुरा गर्दा लेबल २ प्लस एटोनोमस ड्राईभिङ, मल्टिपल एयरब्याग्स, एडेप्टेबल क्रुज कन्ट्रोल, लेन किपिङ, असिस्ट,कलिसियन वारनिङ आदि रहने छ । यस चाङगन नेभो इ ०७ ईलेक्ट्रिक एस यु भि कार कालो,सेतो,निलो र ग्रे कलरमा उपलब्ध रहनेछ भने कारको स्टोरेज क्यापासिटि ५०० लिटर साथै तौल २३२५ केजि रहने कम्पनिले बताएको छ ।