कोरियाली सेना प्रमुखले दिए राजीनामा, स्विकृत हुन बाँकी

सियोल । दक्षिण कोरियाका सेना प्रमुखले राजिनामा दिएका छन् ।

समाचार एजेन्सी योनहापका अनुसार दक्षिण कोरियाका सेना प्रमुख पार्क आन सुले राजीनामा दिएको जनाएको छ । तर, उनको राजिनामा स्विकृत भए नभएको केही खुलाइएको छैन् ।

पार्क मार्शल ल कमाण्डर थिए, तर उनले मंगलबार राति राष्ट्रपति युनको घोषणासँग धेरै कम समयमा संसद सेनालाइ पठाएका थिए । हेलिकोप्टरवाट संसद भवनमा कोरियाली सेना उत्रिरहेको तथा झ्याल फुटाएर सेनाहरू प्रवेश गरेको दृश्य अचम्म लाग्दो थियो ।

संसद बैठक हुन नदिनका लागि सांसदहरू माथी कोरियाली सेनाले धरपकड गरेकोमा चौतर्फी बिरोध भएको थियो ।

‘हामी सैन्य विज्ञ हौं, हामी मार्शल लका विशेषज्ञ होइनौं,’  भन्दै आदेशको मस्यौदामा आफू संलग्न नभएको बताएका थिए । तर, राष्ट्रपतिले दिएको आदेश कार्यान्वयन मात्रै गरेको उनको तर्क थियो ।

यसअघि राष्ट्रपति युनले रक्षामन्त्री किम योङ ह्युनको राजीनामा स्वीकृत गरेका छन, जसले उनलाई मार्शल लको प्रस्ताव गरेको भनिएको छ ।