कैलालीका चार दर्जन एमाले कार्यकर्ताले गरे पार्टी परित्याग

धनगढी । कैलालीमा नेकपा एमालेका ४६ जना पूर्वमाओवादी नेता तथा कार्यकर्ताले पार्टी छोडेका छन्। उनीहरूले एमालेमा रहँदा पटक–पटक अपमानित हुनुपरेको र राजनीतिक रूपमा पूर्वमाओवादी भनेर अपहेलित भएको गुनासो गर्दै पुस ११ गते अत्तरिया नगर अध्यक्षलाई राजीनामा बुझाएका छन्।

राजीनामामा उल्लेख गरिएको छ कि एमालेमा गुटबन्दी र नेतृत्वबीचको झगडाका कारण एकतामा टिक्न नसकिएको छ। पार्टीले उनीहरूलाई सम्मानजनक स्थान दिन नसकेको र यस्तो अवस्थाबाट आफूहरू दिक्क भएको उनीहरूको आरोप छ।

पार्टी छोड्ने कार्यकर्ताहरू पूर्वमाओवादी नेता र हाल एमालेका नेता लेखराज भट्टको क्षेत्रमा रहेका थिए।