काठमाडौँ । डोनाल्ड ट्रम्पको अमेरिकी राष्ट्रपतिमा पुनरागमनको प्रभाव विश्व स्वास्थ्य संगठन ९डब्ल्यूएचओ० ले पनि महसुस गरिरहेको छ ।

समाचार एजेन्सी रोयटर्सका अनुसार, डब्ल्यूएचओले लागत घटाउनुपर्ने र कुन स्वास्थ्य कार्यक्रमहरूलाई प्राथमिकता दिनुपर्ने भनेर समीक्षा गर्नुपर्ने बताएको छ ।

यो बयान ट्रम्पको घोषणापछि आएको हो, जब ट्रम्पले सत्ता सम्हालेपछि अमेरिका डब्ल्यूएचओबाट अलग हुने बताएका थिए । ट्रम्पले संयुक्त राष्ट्र स्वास्थ्य एजेन्सीलाई कोभिड(१९ महामारी र अन्य विश्वव्यापी स्वास्थ्य संकटहरूलाई गलत तरिकाले सम्हालेको आरोप लगाए ।

‘यो घोषणाले हाम्रो आर्थिक अवस्थालाई अझ नाजुक बनाएको छ,’ डब्ल्यूएचओका महानिर्देशक अधानोम गेब्रेयससले भने । डब्लुएचओले महत्वपूर्ण क्षेत्रहरू बाहेक यात्रा खर्चमा उल्लेखनीय कटौती गर्ने र भर्ती स्थिर गर्ने योजना बनाएको उनले बताएका छन् ।

एक वर्षको सूचना अवधि पछि अमेरिका जनवरी २०२६ मा डब्लुएचओबाट बाहिरिने तालिका रहेको छ । अमेरिका डब्ल्यूएचओको सबैभन्दा ठूलो आर्थिक सहयोगी हो, जसले यसको लगभग १८ प्रतिशत कोष प्रदान गर्दछ ।