कलेजोमा बोसो जमेको कसरी थाहा पाउने ?

एजेन्सी । पछिल्लो ५० वर्षमा संसारभर करिब एक चौथाइ जनसंख्या फ्याट्टी लिभर ( कलेजोमा बोसो जम्ने समस्या ) बाट प्रभावित भएको छ । यो समस्या केवल बयस्कहरूमा मात्र सीमित छैन, बालबालिकामाझ पनि उत्तिकै देखिन थालेको छ ।

भारतमा मात्रै ३८ प्रतिशत जनसंख्या यो समस्याबाट पीडित छन् भने ३५ प्रतिशत बालबालिका समेत प्रभावित छन् । चिकित्सकहरूका अनुसार यो रोग जीवनशैलीसँग सम्बन्धित छ । शरीरमा बोसोको मात्रा अत्यधिक भएमा फ्याट्टी लिभरको जोखिम बढ्छ ।

लक्षणविहीन तर गम्भीर समस्या
फ्याट्टी लिभर प्रायस् लक्षणविहीन हुन्छ, तर दीर्घकालीन रूपमा यो गम्भीर स्वास्थ्य समस्याहरूको कारक बन्न सक्छ । मोटोपन, मदिरा सेवन, बोसोयुक्त खानाको अत्यधिक सेवन जस्ता कारणले यो समस्या बढ्ने गर्छ । चिकित्सकहरूका अनुसार नियमित व्यायाम, स्वस्थ आहार र तौल नियन्त्रण गर्न सकेमा यो समस्याबाट बच्न सकिन्छ ।

यस्तो अवस्थामा तत्काल स्वास्थ्य परीक्षण गरौँ
– शरीरको तौल उचाइको अनुपातमा ज्यादा भएमा
– गर्धन वरिपरि बोसो जम्मा भएमा
– रगतमा सुगर, कोलेस्टेरोल, एसजीपीटी वा ट्राइग्लिसराइड धेरै भएमा
– गर्धन वरिपरि कालो धब्बा देखिएमा
– नङहरू सेतो देखिन थालेमा
– अस्वस्थ जीवनशैली अपनाइएको छ भने
– दिशाको रंग कालो देखिन थालेमा
– परिवारमा उच्च रक्तचाप, मधुमेह, मुटु रोग, कोलेस्टेरोल, क्यान्सर वा स्ट्रोकको इतिहास भएमा

फ्याट्टी लिभरबाट बच्न यी खानेकुरा अपनाऔँ
– स्याउ : दैनिक बोक्रासहितको स्याउ खाँदा शरीरलाई बढी फाइदा पुग्छ ।
– ग्लुकोनयुक्त गहुँको रोटी : यसले शरीरलाई आवश्यक ऊर्जा दिन्छ ।
– हाई फाइबर फुड : कालो चना, सातु, कोदो आदि सेवन गरौँ ।
– रंगीन तरकारीहरू: पत्तागोभी, चुकन्दर, पालक, टमाटर, काँक्रो आदिको नियमित सेवन गरौँ ।
– बेसार : खानामा नियमित बेसार मिलाउँदा फ्याट्टी लिभर कम हुन्छ ।
– तातोपानीमा कागती : बिहानै तातो पानीमा कागती निचोरेर पिउँदा लाभ मिल्छ ।
– ओखर : फ्याट्टी लिभरका लागि वरदान मानिन्छ । दैनिक ४ वटा ओखर खाँदा फाइदा पुग्छ ।
– कफी : चिनी बिनाको कफी पिउनु लाभदायक हुन्छ ।
– सलाद : आफ्नो डाइटमा सलाद अनिवार्य रूपमा समावेश गरौँ ।