मुम्बई । अगस्ट १४, २०२५ को मिति आफ्नो मोबाइलमा रिमाइन्डरमा सेट गर्नुहोस्। यो दिनमा केही ठुलो घटना हुन लागेको छ । यस दिन बलिउड र साउथका दुई ठूला बजेट र ठूला सुपरस्टार फिल्महरू बक्स अफिसमा भिड्दै छन् ।
खासमा ऋतिक रोशन र जुनियर एनटीआरको ‘वार २’ र सुपरस्टार रजनीकान्तको ‘कुल्ली’ १४ अगस्ट स्वतन्त्रता दिवसको अवसरमा सिनेमाघरमा रिलिज हुँने भएका छन । यसरी बक्स अफिसमा दुई ठूला फिल्म आउँदैछन् । यस दिन बक्स अफिसमा ठूलो प्रतिस्पर्धा हुनसक्छ।
यशराज फिल्म्सद्वारा निर्मित ‘वार २’ मा ऋतिक रोशन र जुनियर एनटीआर मुख्य भूमिकामा रहेका छन् । ‘वार २’ सन् २०१९ को सुपरहिट ‘वार’को सिक्वेल हो र यसलाई अयान मुखर्जीले निर्देशन गर्दैछन् । यशराज फिल्म्सले अगस्ट १४ को रिलिज मिति तय गरिसकेको छ । यसको एउटा कारण लामो साताको अन्त्य हो र त्यसलाई सदुपयोग गर्ने तयारी भइरहेको छ । ऋतिक रोशनको फ्यान फलोइङ र दक्षिणमा जुनियर एनटीआरको दबदबाले फिल्मको सम्भावना बलियो बनाएको छ ।
उता, लोकेश कनागराजद्वारा निर्देशित ‘कुली’मा सुपरस्टार रजनीकान्त मुख्य भूमिकामा छन् । नागार्जुन र श्रुति हासन अभिनित यो फिल्म पनि भारतमा रिलिजको तयारीमा छ । सुरुमा ‘कूली’ को टोली यो टक्करबाट बच्न चाहन्थे तर अब रिपोर्टहरू आएका छन् कि तिनीहरू पनि अगस्त १४ मा रिलिजको लागि तयारी अवस्थामा छन्। रजनीकान्तको करिश्मा र लोकेशको स्टाइलिश निर्देशनले यसलाई बलियो दावेदार बनाउँने भएको छ।
यदी यी दुई चलचित्र बक्स अफिसमा भिड्दा पर्दासँगै दर्शक विभाजित हुने जोखिम हुने निश्चित छ । हिन्दी बेल्टमा ‘वार २’ बलियो देखिन्छ भने ‘कुली’ ले दक्षिणमा आफ्नो प्रभुत्व कायम राख्न सक्छ। अब दुबै चलचित्र आफ्नो मितिमा अडिग रहन्छन् कि केही परिवर्तन हुन्छ, त्यो भने हेर्न बाँकी छ ।
