२०८२ साल जेठ महिनामा यस्तो रहेको छ तपाईको भाग्य,हेर्नुहोस् राशिफल

मेष ( चु, चे, चो, ला, लि, लु, ले, लो, अ )
मेश राशि हुनेहरूको लागि यो महिना सामान्य रहनेछ । बोलिको भरमा कार्य सिद्ध हुनेछ । मेहनतले कलाको क्षेत्रमा उन्नति र प्रगति हुनेछ । सञ्चित धनमा वृद्धि हुन गाह्रो रहेको छ । महत्वकाङ्क्षी योजनाहरू सम्पादन नहोलान् । नोकरी वा राजनीति गर्नेहरूलाई समय लाभकारी रहनेछ । कार्य क्षेत्रमा मन नपर्दो व्यक्तिहरूसँग कार्य गर्नुपर्ला । स्वास्थ्यलाई लिएर खानपानमा ध्यान दिनुहोस् । भूमि लगायत स्थायी सम्पत्तिको वादविवाद सुल्झिनेछ। उद्योगधन्दा पनि सामान्य रहनेछ । आर्थिक लाभका नयाँ अवसरहरू मिल्नेछन् । प्रेम सम्बन्धमा तेस्रो पक्षको उपस्थितिले मनमा शंका उत्पन्न गर्ला । विद्यार्थीहरूलाई शिक्षामा राम्रो सफलता मिल्नेछ ।

वृष ( इ, उ, ए, ओ, वा, वि, वु, वे, वो )
वृष राशि हुनेहरूको लागि समय श्रेष्ठ रहेको छ । नोकरी वा पेशामा प्रभावशाली व्यक्तित्व निर्माण गर्ने समय रहेको छ । जीवनको प्रत्येक क्षेत्रमा सफलता मिल्नेछ । विदेशबाट जोडिएका कार्यहरूबाट अप्रत्यासित लाभ रहनेछ । शिक्षाको क्षेत्रमा उन्नति हुनेछ । मानसिक चिन्ताबाट मुक्ति मिल्नेछ । अवसर प्राप्त भएतापनि फाइदा उठाउन चुनौती रहनेछ । पुरानो लगानी वा श्रमको प्रतिफल प्राप्त भइरहनेछ । राजनीतिक पृष्ठभूमि बलियो बन्नेछ । विपरीत लिंग प्रति आकर्षण बढ्नेछ । मित्रहरूसँग वैरभाव बढ्ला सावधान रहनुहोस् ।

मिथुन ( का, कि, कु, घ, ङ, छ, के, को, हा )
मिथुन राशि हुनेहरुलाई यो महिना सामान्य रहनेछ । राजनीतिक वा सामाजिक परिवेशमा समस्याहरू आउन सक्छ । आर्थिक पक्ष सामान्य रहनेछ । आलस्यलाई कार्य क्षेत्रमा हावी हुन नदिनुहोला । कार्य टाल्ने प्रवृत्तिले आकस्मिक हानि हुनेछ । आफ्नो वाणी वा व्यवहारमा नियन्त्रण राख्नुहोस् । वैदेशिक रोजगारका नयाँ अवसरहरू मिल्नेछन् । जीवनसाथीको भावना वा आवश्यकतालाई बेवस्था नगर्नुहोला । सन्तान पक्षबाट कुनै शुभ सूचना मिल्ला । आध्यात्मिक ज्ञानमा वृद्धि हुनेछ । झुटो प्रशंसाबाट बच्नुहोस् । कार्य क्षेत्रमा योजना बनाएर कार्य गर्नुहोस् सफलता मिल्नेछ । स्वास्थ्यमा अनिन्द्राको समस्या हुन सक्छ ।

कर्कट ( हि, हु, हे, हो, डा, डि, डु, डे, डो )
कर्कट राशि हुनेहरूको लागि समय उत्तम रहेको छ । लाभ र उन्नतिका नयाँ अवसरहरू मिल्नेछन् । कार्य क्षेत्रमा अधिकारी वर्गबाट प्रशंसा पाइनेछ । अवसरलाई चिन्ने प्रयास गर्नुहोस् । विद्यार्थी वर्गहरूले सानोतिनो कुरामा उल्झिनु भन्दा आफ्नो लक्ष्यमा दृष्टि राख्नुहोस् । नयाँ धन लगानी लगाउनु भन्दा अघि शुभचिन्तकहरूसंग परामर्श अवश्य लिनुहोस् । कानुनी मुद्दा मामलाहरू अदालतमा भन्दा बाहिरै सुल्झाउने प्रयास गर्नुहोस् राम्रो रहनेछ । युवा वर्गहरूलाई प्रेममा सफलता प्राप्त हुनेछ । जीवनसाथीसँग लामो वा छोटो दूरीको यात्राका योग छन् । कुनै मांगलिक वा शुभ कार्यमा सम्मलित हुने अवसर मिल्नेछ ।

सिंह ( मा, मि, मु, मे, मो, टा, टि, टु, टे )
सिंह राशि हुनेहरूको लागि समय उत्तम रहेको छ । पारिवारिक समस्याले गर्दा कार्यक्षेत्रमा कार्यको अतिरिक्त दबाब रहनेछ । इष्टमित्रहरूबाट सहायता नमिल्नाले मन अप्रसन्न रहनेछ । नयाँ नोकरीको लागि प्रतिक्षा गर्नुपर्ला । नोकरीमा सरुवा आदिको लागि सोचविचार गरेर निर्णय लिनुहोला । भावना वा क्रोधमा आएर कुनै ठूलो निर्णय लिनदेखि बच्नुहोस् । लामो समयदेखि जग्गा जमीन क्रय विक्रय गर्न सोचिरहनु भएको थियो भने पूरा हुनेछ । दाम्पत्य जीवनमा सुमधुरता बनिरहनेछ । स्वास्थ्य सबल रहनेछ । विद्यार्थी वर्गहरूको अध्ययन अध्यापनमा मन लाग्नेछ ।

कन्या ( टो, पा, पि, पु, ष, ण, ठ, पे, पो )
कन्या राशि हुनेहरूको लागि समय श्रेष्ठ रहनेछ । नोकरी वा पेशामा नयाँ पदको जिम्मेवारी मिल्नेछ । बेरोजगारहरूको लागि सोचे अनुरूप रोजगार मिल्ला । व्यापार व्यवसायमा इष्टमित्र र परिचित परिजनहरूको साथ मिल्नेछ । अविवाहितहरूको लागि विवाहको कुराकानी चल्नेछ । गृहणीहरूको अधिकांश समय धर्म कर्ममा व्यतीत हुनेछ । प्रेम सम्बन्धमा शंकाले गर्दा मानसिक चिन्ता रहनसक्छ सचेत रहनुहोस् । सञ्चित धनमा वृद्धि हुनेछ । आयआर्जनका नयाँ स्रोतहरू खुल्नेछन् । योग्यताको उचित मूल्यांकन हुनेछ ।

तुला ( रा, रि, रु, रे, रो, ता, ति, तु, ते )
तुला राशि हुनेहरूको लागि यो समय सामान्य रहेको छ । अरुको लैलैमा लागेर लगानी नलगाउनुहोला । घरको सुख सुविधा वा साज सजावट र मरम्मतमा धन खर्च हुनेछ । कार्य क्षेत्रमा कार्यरत महिलाहरूको लागि परिवारमा र कार्य क्षेत्रमा तालमेल बसाउन गाह्रो रहनेछ । जीवन साथीको स्वास्थ्यलाई लिएर चिन्ता रहनेछ । धार्मिक र साहित्य लेखन आदिमा सफलता मिल्नेछ । स्वास्थ्यलाई लिएर विशेष ध्यान दिनुहोला । प्रशासन क्षेत्रमा प्राविधिक समस्याले गर्दा कार्यमा बाधा आउनेछ । कारोबारलाई लिएर लामो दुरीको यात्रा गर्दा आफ्नो सामानको जिम्मेवारी स्वयं राखौं।

वृश्चिक ( तो, ना, नि, नु, ने, नो, या, यि, यु )
वृश्चिक राशि हुनेहरूको लागि यो महिना सामान्य रहेको छ । कार्य क्षेत्रमा जुनियर वा सिनियर दुवैको सहयोग मिल्नेछ । माता पिता र परिवारको साथमा मनोरञ्जनात्मक समय व्यतीत हुनेछ । कार्य क्षेत्रमा पुरानो समस्याहरु सुल्झिनेछन् । साझेदारी व्यापारबाट विशेष लाभ प्राप्त हुनेछ । आफ्नो कार्यशैलीले अरूलाई प्रभावित पार्न सक्नुहुनेछ । महत्वकांक्षी योजनाहरू सम्पादन गर्नमा पिताको सहयोग अवश्य लिनुहोस् । स्वास्थ्य सबल रहनेछ । दाम्पत्य जीवनलाई मधुर बनाउनको लागि जीवनसाथीलाई पूरा समय दिनुहोस । प्रेम सम्बन्धलाई विवाहमा टुङयांउन सक्नुहुनेछ ।

धनु ( ये, यो, भा, भि, भु, धा, फा, ढा, भे )
धनु राशि हुनेहरूको लागि समय सामान्य रहेको छ । कार्य क्षेत्रमा चुनौतीहरूको सामना गर्नुपर्ला । पारिवारिक विषयवस्तुमा केही समस्या देखिन सक्छ, त्यसर्थ सावधान रहनुहोस् । व्यापार व्यवसायभन्दा सेवामूलक कार्यले आफूलाई चिनाउन सकिनेछ । विद्यार्थीहरूलाई प्रतियोगी परीक्षामा सफलता मिल्नेछ । विगतका निर्णयहरूले कार्यक्षेत्रमा चुनौती लिएर आउनेछ । कसैमाथि छिट्टै विश्वास गर्नु तपाईंको लागि हानिकारक हुन सक्छ । स्वास्थ्यमा श्वासप्रश्वास वा चर्मरोग सम्बन्धी समस्या रहेको छ भने समाधान हुनेछ । सवारी साधन चलाउँदा सावधान रहनुहोला ।

मकर ( भो,जा,जि,जु,जे,जो,ख,खि,खु,खे,खो,गा,गि )
मकर राशि हुनेहरूको लागि समय राम्रो रहेको छ । सन्तानको प्रगति वा उन्नतिले मन प्रसन्न रहनेछ । नयाँ कार्यको थालनीमा शुभचिन्तकहरूको सहयोग अवश्य लिनुहोस् । कारोबारीहरूलाई आफ्नो प्रतिद्वन्दीद्वारा राम्रो टक्कर मिल्नेछ । कार्य क्षेत्रमा कार्य पूरा नगरी निर्णय नलिनुहोस् । युवा वर्गहरूलाइ आफ्नो कँरियरमा अगाडि बढ्ने अवसर मिल्नेछ । पारिवारिक सद्भावमा वृद्धि हुनेछ । प्रेम र मित्रताको बन्धन कसिनेछ । बोली र व्यवहारमा मधुरताले सबै कार्य सिद्ध हुनेछन् । सामाजिक पृष्ठभूमि बलियो बन्ने तथा विशिष्ट व्यक्तिहरूसँग मित्रता बढ्नेछ ।

कुम्भ ( गु, गे, गो, सा, सि, सु, से, सो, दा )
कुम्भ राशि हुनेहरूको लागि यो महिना सामान्य रहेको छ । व्यापार व्यवसायमा अप्रत्यासित लाभका योग छन् । राजनीतिक परिपेक्ष बलियो बन्नेछ । साहसिक र निर्णयात्मक बुद्धिको उपयोगले सफलता पाइनेछ । युवा वर्गहरुलाई कँरियर वा नोकरीमा शुभचिन्तकहरूको साथ र सहयोग मिल्नेछ । विशेष कार्यको थालनीको लागि उपयुक्त समयको प्रतिक्षा गर्नुहोस् । व्यापार व्यवसायमा जोखिम लिनदेखि बच्नुहोस् । स्वास्थ्यलाई लिएर चिन्ता रहनेछ । घर परिवारमा पुराना कुरालाई लिएर तनावको वातावरण सिर्जना हुनेछ । सरकारी पद प्रतिष्ठाको मर्यादा बनाएर राख्नुहोस ।

मीन ( दि, दु, थ, झ, ञ, दे, दो, चा, चि )
मिन राशि हुनेहरूको लागि यो महिना राम्रो रहनेछ । कुनै प्रिय वा प्रभावशाली व्यक्तित्वसँग भेटघाटले भविष्यमा लाभ मिल्नेछ । कार्य क्षेत्रमा लिएका निर्णयहरूको प्रशंसा हुनेछ । नियमित दिनचर्यामा सानो बदलावले जीवन शैलीमा ठूलो परिवर्तन आउनेछ । व्यापार व्यवसायमा प्रियजनहरूको साथ र सहयोग मिल्नेछ । व्यवसायिक क्षेत्रमा प्रगति हजुरको अनुरुप हुनेछ। धैर्य र पराक्रमले आँटेको कार्य सम्पादन गर्न सक्नुहुनेछ । वित्तीय मामलाहरूमा नयाँ निर्णयहरू प्रगति तर्फ लिएर जानेछन् । घर परिवारमा आफूभन्दा साना भाइबहिनीहरूको सहयोग मिल्नेछ।

– ज्यो. प.धर्मेन्द्र कृष्ण पौडेल