नाडा अटो शो २०२५ को स्टल एलोकेशन सम्पन्न, टाइटल स्पोन्सरमा एमएडब्लु ग्रुप

काठमाडौं । आगामी भदौ ३ देखी ८ गतेसम्म आयोजना हुने नाडा अटो शोको स्टल एलोकेशन कार्यक्रम सम्पन्न भएको छ। बिहिबार नाडा अटोमोबाइल्स एसोसिएसन अफ नेपालले अटो शो २०२५ का लागि स्टल बाँडफाँड कार्यक्रम सम्पन्न गरेको हो । अटो शोलाई यसपटक एमएडब्लु ग्रुप अफ कम्पनिजले टाइटल स्पोन्सर गर्ने भएको छ ।

नेपाली अटो उद्योगको प्रमूख प्रदर्शनी बनेको ‘नाडा अटो शो’ प्रविधि, नवप्रवर्द्धन एवं गतिशीलतामा महत्वपूर्ण योगदान दिँदै आएको छ । अटो शोमा चार पांगे सवारीका १८ वटा स्टल, दुई पांग्रेको ४ वटा स्टल, लाइट कर्मर्शियल भेहिकलको १३ वटा र अटो कम्पोनेन्टहरुका ४० वटा भन्दा बढी स्टल रहने नाडाले जनाएको छ ।

नाडा अटो शोमा यसपटक चार पाङ्ग्रेमा दिपाल, अवतार, डोङफेङ, नामी, सेरेस, सुजुकी, टेस्ला, एवोन, एक्सपेङ, रिडारा, स्काईवेल, बीवाईडी, फोटोन, विएडब्लु ब्रम्वी, जेवाई एयर, विलाभल, एलएस अटो र जिनपेङका स्टल रहनेछन् ।

दुई पाङग्रेमा हिरो, रोयल इन्फिल्ड, जोनसेन, यामाहा गरी ४ ब्राण्डका स्टल रहनेछन् । लाइट कमर्शियल भेहिकलहरुमा न्यु गोनाउ, डीएफएसके, डोङफेङ, कामा, फोटोन, सोकोन, सिजी केवाईसीरकिङलङ, मोन्त्र, स्काईवर्थ, काईन्यू, कावेरनभेको सनलङ जस्ता ब्राण्डका स्टलहरु उपस्थिती रहनेछ ।

कम्पोनेन्टतर्फ, एसियन, गल्फ, डकहाम्स, एटिएस एल्गि, मिशेलिन, एसटिसी राइडरइनर्जी, सिएट, जेके, मानाटेक, टाटा ग्रिन, टोटल इनर्जिज, म्याक र पिएलओ लगायत ब्रान्डले स्टल बुक गराएका छन् ।

अटो शोमा मेड इन नेपाल पेभिलियन, भिन्टेज कार पेभिलियन, अटो डायलग र क्याफेका लागि छुट्टै व्यवस्था गरिएको बताइएको छ ।