आफ्नो सिमा नजिक ट्रम्पले युद्दक बिमान पठाए पछि भेनेजुएलालाले खटायाे १४ हजार सैनिक

काठमाडौं । अमेरिकामा लागुऔषध नियन्त्रणको नाममा राष्ट्रपति डोनाल्ड ट्रम्पले भेनेजुएलालाई रडारमा राखेका छन् । एउटा निर्णयमा ट्रम्पले भेनेजुएलाको सीमामा ३ युद्धपोत पठाए पछि दुई देशबीचको तनाव चरम सीमामा पुगेको छ ।

बदलामा, निकोलस मादुरोको भेनेजुएलाले अमेरिकालाई नियन्त्रणमा ल्याउन ३ वटा योजना तयार गरेको छ । भेनेजुएला सरकारले यो योजना अन्तर्गत काम गरिरहेको छ।

पहिलो योजना, भेनेजुएला सरकारले अमेरिकाका कट्टर विरोधी देशहरूलाई सम्पर्क गरिरहेको छ। यस सम्बन्धमा चीनसँग पहिलो पटक उसले सहयोग मागेको छ । चीनले पनि भेनेजुएलाको पक्षमा विज्ञप्ति जारी गरेको छ । अमेरिकाले भेनेजुएलाको सीमामा जहाज पठाएकोमा चीनले सार्वभौमसत्ता विरुद्ध रहेको बताएको छ ।

त्यस्तै भेनेजुएलाका विदेशमन्त्रीले इरानका विदेशमन्त्रीसँग पनि कुराकानी गरेका छन् । अमेरिकी दमनका विरुद्ध संयुक्त लड्ने गरी दुई देशबीच सहमति भएको छ । इरानलाई अमेरिकाको कट्टर शत्रु मानिन्छ। भेनेजुएलाले ब्राजिल र रुस जस्तादेशलाई पनि साथमा ल्याउने प्रयास गरिरहेको छ । यी देशहरू पनि अमेरिका विरोधी देशका रूपमा मानिन्छन् ।

दोस्रो योजना, भेनेजुएलाले आफ्नो सिमानामा १५ हजार सैनिक तैनाथ गर्ने निर्णय गरेको छ । भेनेजुएलाले यी सैनिकहरूलाई कोलम्बियाको सीमा नजिक तैनाथ गरेको छ। अमेरिकाले यहाँ ४ हजार मरिन गार्डसहित ३ जहाजसमेत पठाइसकेको छ । रिपोर्टका अनुसार कोलम्बिया सीमामा अमेरिकी सेनासँग लड्न रुसले भेनेजुएलालाई इरानको साहेद ड्रोन पाएको छ । भेनेजुएलाले यो ड्रोनबाट अमेरिकी जहाजमा सजिलै आक्रमण गर्न सक्छ।

तेस्रो योजना, भेनेजुएलाका राष्ट्रपति निकोलस मादुरोले अमेरिकालाई निशाना बनाएका छन्। मदुरोका अनुसार विश्वमा अमेरिकाको प्रभाव घट्दै गएको छ । यसलाई सच्याउन भेनेजुएलालाई लक्षित गरिएको छ। भेनेजुएलाले आफ्नो मिलिशिया सक्रिय गर्ने कुरा गरेको छ। भेनेजुएलामा मिलिशिया समूहलाई निकै खतरनाक मानिन्छ।

अगस्ट २०२५ को सुरुमा अमेरिकाले निकोलस मादुरोलाई ५ करोड डलरको इनाम दिने घोषणा गरेको थियो । भेनेजुएला हुँदै अमेरिकामा लागूऔषध पठाइँदै आएको अमेरिकाको दावी छ । ह्वाइट हाउसका प्रवक्ता क्यारोलिना लभिएटका अनुसार मादुरो ड्रग्स कार्टेलका नेता हुन्। त्यसैले उनीमाथि ५० मिलियन डलरको इनाम राखिएको हो ।

यो पुरस्कार प्रसिद्ध आतंकवादी अबु बकर अल–बगदादी र ओसामा बिन लादेनको भन्दा दोब्बर छ। यसैबीच, डेली मेलले एक रिपोर्ट जारी गरेको छ, जसमा इरानी आतंकवादी भेनेजुएला हुँदै अमेरिका प्रवेश गरेको र यो अमेरिकाका लागि ठूलो खतरा भएको बताइएको छ।

त्यसयता अमेरिकी प्रशासन भेनेजुएलामा कारबाही मोडमा छ भने अर्कोतर्फ भेनेजुएलाले अमेरिकाले जानाजानी बदनाम गरिरहेको जनाइरहेकाे छ ।