काठमाडौं । कामना सेवा विकास बैंकले आफ्ना सेयरधनीलाई १५.७८ प्रतिशत लाभांश दिने घोषणा गरेको छ । बैंकले गत आर्थिक वर्षको नाफाबाट १० प्रतिशत बोनस सेयर र करसहित ५.७८९५ प्रतिशत नगद लाभांश दिने प्रस्ताव गरेको हो ।

बैंकको सञ्चालक समितिको आज बसेको बैठकले उक्त प्रस्ताव गरेको हो । यस प्रस्तावलाई नेपाल राष्ट्र बैंकले स्वीकृति दिएपछि र आगामी वार्षिक साधारणसभाले पारित गरेपछि सेयरधनीहरूले लाभांश पाउनेछन् ।