पुँजी बजार दोहोरो अंकले घट्यो

काठमाडौं । नेपाली पुँजी बजार बुधबार दोहोरो अंकले घट्दै राताम्य बनेको छ । मंगलबार केही सुधारको संकेत देखिए पनि आज पुनः बजार ओरालो लागेको छ, जसले लगानीकर्तामा निराशा थपेको छ।

नेपाल स्टक एक्सचेञ्ज (नेप्से) सूचक २१.७८ अंकले घटेर २५४३.३७ बिन्दुमा झरेको छ। आज ३२१ कम्पनीका ८३ लाख २२ हजार कित्ता शेयर कारोबार हुँदै ३ अर्ब ७९ करोड ४४ लाख रुपैयाँको कारोबार भएको छ।

यसदिन सबै १२ उप–सूचक राताम्य बनेका छन्। वाणिज्य बैंक समूह ०.६७ प्रतिशत, विकास बैंक समूह ०.३० प्रतिशत, फाइनान्स समूह ०.७९ प्रतिशत र होटल तथा पर्यटन समूह ०.१८ प्रतिशतले घटेका छन्।