हङकङको ताई पोमा भीषण आगलागी : ४४ जनाको निधन,२७९ जना सम्पर्कविहीन

काठमाडौं । हङकङको ताई पो जिल्लास्थित वाङ फुक कोर्ट नामक हाउजिङ कम्प्लेक्समा लागेको भीषण आगलागीमा ४४ जनाको मृत्यु भएको छ। २७९ जनाको अवस्था भने अझै अज्ञात रहेको अधिकारीहरूले बताएका छन्।

स्थानीय समयअनुसार बुधबार राति २ बजेर ५१ मिनेटमा आगलागी सुरु भएको थियो। बीबीसीका अनुसार ४५ जनाको गम्भीर अवस्थामा उपचार भइरहेको छ।

हङकङको अग्निशमन सेवा विभागले आगलागीलाई ‘लेभल–फाइभ अलार्म’ घोषणा गरेको छ, जुन हङकङमा सबैभन्दा गम्भीर श्रेणी मानिन्छ। यस्तो स्तरको आगलागी १७ वर्षपछि भएको बताइएको छ। उद्धार तथा खोजी कार्य निरन्तर जारी रहेको जनाइएको छ।