काठमाडौं । नेपालका लागि लीपमोटर, सिट्रोन र प्यूजो आधिकारिक विक्रेता सांग्रिला मोटर्स प्रा.लि.ले विशेष एक्सचेन्ज क्याम्पहरू आयोजना गर्ने भएको छ ।
यही मंसिर १४ गतेदेखि मंसिर २१ गतेसम्म एक साता कम्पनी लीपमोटर र सिट्रोनका दुई विशेष एक्सचेन्ज क्याम्प आयोजना गर्न लागेको बताइएको छ। आकर्षक लाभहरूका साथ आफ्नो सवारी साधन अपग्रेड गर्न चाहने ग्राहका लागि क्याम्प एक अवसर वन्ने कम्पनीले जनाएको छ ।
नेपालभरका सम्बन्धित शोरूममा यस्तो क्याम्प सञ्चालनमा रहने सांग्रिला मोटर्सले जनाएको छ । लीपमोटर ‘एक्सचेन्ज विथ द बेस्ट’ क्याम्पले ग्राहकलाई उनीहरूको लागि उपयुक्त हुने १०/१० वटा कार चलाउने अवसर प्रदान गर्नेछ ।
नगद छुट, एक्सचेन्ज बोनस, नि:शुल्क रोड ट्याक्स र दर्ताको सुविधा समेत प्रदान गर्नेछ । २.२ किलोवाटको ट्राभल चार्जरको साथ नि:शुल्क ७ किलोवाटको होम चार्जर र थप सहायक उपकरणहरू सहित लाभ लिन समेत ग्राहकलाई आमन्त्रण गरिएको छ ।
त्यसैगरी, सिट्रोन “एक्सचेन्ज विथ द बेस्ट” क्याम्पले सहभागीहरूलाई एक्सचेन्ज बोनस, एमसीबी बक्स सहितको नि:शुल्क ३.३ किलोवाट चार्जर, एक वर्षको अटो प्लस बीमा र नि:शुल्क रोड ट्याक्स र दर्ताको साथ उत्कृष्ट कारमा अपग्रेड गर्न प्रोत्साहित गर्नेछ ।
कम्पनीका अनुसार, मंसिर १४ गतेदेखि मंसिर २१ गतेसम्म सम्म एकैसाथ सञ्चालन हुने दुवै एक्सचेन्ज क्याम्पहरूले नेपालभरका कार उत्साहीहरूलाई सीमित समयका अफरहरूको लाभ उठाउँदै आफ्नो सवारी अपग्रेड गर्ने अवसर प्रदान गर्दछ।
सांग्रिला मोटर्स प्रा.लि.ले राष्ट्रव्यापी रूपमा नवीन समाधान, गुणस्तरीय सवारी साधन र भरपर्दो बिक्री पछिको सेवा मार्फत उत्कृष्ट ग्राहक अनुभव प्रदान गर्ने कार्य निरन्तर गर्दै आएको जनाएको छ।
