काठमाडौं । नेपाली बजारमा आज सुनको मूल्य बढेको छ । सुन तोलामा २०० रुपैयाँले बढेको हो । नेपाल सुनचाँदी ब्यवसायी महासंघका अनुसार आज सुन प्रतितोला दुई लाख ५२ हजार १०० रुपैयाँमा कारोबार भइरहेको छ । मंगलबार सुन प्रतितोला २ लाख ५१ हजार नौ सय रुपैयाँमा कारोबार भएको थियो ।

यता, चाँदीको मूल्य भने तोलामा १ सय ५० रुपैयाँले बढेर तीन हजार ७ सय ५० रुपैयाँमा कारोबार भइरहेको महासंघले जनाएको छ । मंगलबार चाँदीको मूल्य ३ हजार ६०० रुपैयाँमा कारोबार भएको थियो ।