लोकसेवा आयोगले माग्यो २५४ अधिकृत, कहिलेसम्म दिन सकिन्छ आवेदन ?

काठमाडौं । लोकसेवा आयोगले ठूलो संख्यामा अधिकृत तहको विज्ञापन खोलेको छ । आयोगले न्याय सेवा, निजामती सेवा,मानव अधिकारसहितका सेवा समूहमा दरखास्त आह्वान गरेको छ ।

आयोगले खोलेको विज्ञापन अनुसार निजामती सेवाको परराष्ट्र, प्रशासन, लेखा परीक्षण सेवा र संघीय संसद सेवातर्फ १७२ सिटमा दरखास्त आह्वान गरेको हो । जसमध्ये १०४ सिट खुलातर्फका लागि हो । यो मध्ये पनि प्रशासन सेवामा सबैभन्दा बढी ७० जनाको माग भएको छ ।

आयोगले खुला तथा समावेशी दुवै श्रेणीअन्तर्गत विज्ञापन प्रकाशित गरेको हो । जस अनुसार संघीय संसद, परराष्ट्र, प्रशासन, लेखा परीक्षण लगायत सेवा सम्बन्धी पदहरूका लागि दरखास्त माग गरिएको छ । आवेदन पेश गर्ने समय पुस १५ गतेसम्मलाई तोकिएको छ ।