देशभर तापक्रम घट्दै, काठमाडौंमा यस वर्षकै सबैभन्दा कम
काठमाडौं । देशभर तापक्रम क्रमिक रूपमा घट्दै जाँदा चिसो बढ्दै गएको छ। मौसम पूर्वानुमान महाशाखाका अनुसार काठमाडौं उपत्यकासहित देशका विभिन्न स्थानमा तापक्रम घट्दो क्रममा रहेको छ।
मंगलबार (पुस ८) बिहान पौने ९ बजे काठमाडौंको न्यूनतम तापक्रम ४.९ डिग्री सेल्सियस मापन गरिएको छ, जुन यस वर्षको अहिलेसम्मकै कम तापक्रम हो। महाशाखाले आगामी दिनमा तापक्रम अझै घट्ने सम्भावना रहेको जनाएको छ।
यसअघि सोमबार (पुस ७) काठमाडौंको न्यूनतम तापक्रम ६.८ डिग्री थियो भने आइतबार (पुस ६) र शनिबार (पुस ५) समान ५.५ डिग्री मापन गरिएको थियो। गएको मंसिर २८ गते न्यूनतम तापक्रम ५ डिग्री रहेको थियो।
महाशाखाले सार्वजनिक गरेको देशका १७ स्थानमध्ये जुम्लामा सबैभन्दा कम न्यूनतम तापक्रम –३ डिग्री सेल्सियस मापन गरिएको छ। जुम्लाको तापक्रम सोमबार –१ र आइतबार –२.३ डिग्री थियो।
यस दिन वीरेन्द्रनगर ५.७, ओखलढुंगा ७.२, दिपायल र घोराही ७.८, पोखरा ८.८, ताप्लेजुङ ९.५ तथा डडेलधुरा ९.७ डिग्री सेल्सियस न्यूनतम तापक्रम मापन गरिएको महाशाखाले जनाएको छ।
महाशाखाका अनुसार देशमा हाल पश्चिमी वायुको आंशिक प्रभाव रहेको छ। तराई भूभागमा हुस्सु तथा कुहिरोका कारण बिहानको समयमा जनजीवन, स्वास्थ्य, सडक तथा हवाई यातायातमा आंशिक प्रभाव पर्न सक्ने चेतावनी दिइएको छ।
सम्बन्धित समाचार
आज भाइटीका मनाइँदै, बिहान ११ः०७ बजे उत्तम साइत
कृषि व्यवसायीकरणको अभिन्न अंग कृषि यान्त्रिकरण हो : कृषि सचिव डा. मिश्र
आज तीन प्रदेशमा हल्का बर्षा हुने
एम.ए.डब्लु. अर्थमुभर्स प्रा.लि.द्वारा नेपालगञ्जमा जेसीबी एग्रीम्याक्स सार्वजनिक, १० वटा जेसीबी मेसिन ग्राहकलाई हस्तान्तरण
नेपाल पर्यटन बोर्डको सहकार्यमा टिकटकले सुरु गर्यो ‘भिजिट नेपाल’ अभियान
विश्व मोबिलिटीको भविष्य देखाउँदै ओमोडा र जेकोको अन्तर्राष्ट्रिय युजर समिट २०२६
ट्रेन्डिङ
यामाहाको ‘चङ्गा चेट’ अभियानमा १० लाख ३ हजार रुपैयाँको ग्रान्ड प्राइज विजेता घोषणा
२०८३ कार्तिक १९ गते बिहीवार,यस्तो रहेको छ तपाईको आजको राशिफल
चितवनको राप्ती नदीको किनारमा ‘द पोस्टकार्ड’ लक्जरी रिसोर्ट खुल्दै
सीजी माइक्रोवेभ ओभनबाट बनाउन सकिन्छ तिहारका यस्ता विशेष परिकारहरु
सीजी एलईडीको उज्यालोसँग यस तिहारलाई बनाऔँ अझै झिलिमिली र विशेष
