लुम्बिनी प्रदेशमा अधिकृत तहका पदपूर्तिका लागि आवेदन खुला

लुम्बिनी । लुम्बिनी प्रदेश लोकसेवा आयोगले स्थानीय निजामती सेवा अन्तर्गत अधिकृत सातौँ तहका प्राविधिक तथा अप्राविधिक पदहरूमा दरखास्त आह्वान गरेको छ ।

आयोगका अनुसार अप्राविधिकतर्फ शाखा अधिकृत, प्रशासकीय अधिकृत, लेखा अधिकृत, आन्तरिक लेखा परीक्षण अधिकृत तथा कानुन अधिकृत पदमा गरी ५४ जना कर्मचारी माग गरिएको छ । यी पदहरूमा अन्तरतह, खुला तथा समावेशी समूह अन्तर्गत खस आर्य, मुस्लिम (महिला), थारु, दलित र मधेसी कोटामा विज्ञापन खुलाइएको छ ।

यस्तै, प्राविधिकतर्फ जनस्वास्थ्य अधिकृत, मेडिकल ल्याब टेक्नोलोजिष्ट, नर्सिङ अधिकृत, इन्जिनियर, हाइड्रोलोजिष्ट, पशु चिकित्सक, पशु विकास अधिकृत, कृषि विकास अधिकृत, मस्यौदारमत्स्य विकास अधिकृत, कृषि प्रसार अधिकृत, वन अधिकृत तथा शिक्षा अधिकृत पदमा दरखास्त माग गरिएको छ ।

आयोगले प्राविधिकतर्फ विभिन्न पदहरूमा गरी १३३ जनशक्ति माग गरेको जनाएको छ । आयोगका अनुसार प्रदेश निजामती सेवा तथा स्थानीय निजामती सेवा अन्तर्गत अन्तरतह, खुला र समावेशी प्रतियोगितात्मक परीक्षामार्फत स्थायी पदपूर्ति गर्न अधिकृत सातौँ तहको विज्ञापन प्रकाशित गरिएको हो ।

योग्यता पुगेका इच्छुक उम्मेदवारहरूले शुक्रबारदेखि माघ १ गतेसम्म नियमित दस्तुरमा र दोब्बर दस्तुर तिरेर माघ ८ गतेसम्म दरखास्त दिन सक्ने आयोगले जनाएको छ ।