चुनावी समयमा मतदाताको मतदान निर्णय सम्बन्धि प्रश्न नसोध्न झापा प्रशासनको आग्रह

काठमाडौँ । सामाजिक सञ्जाल र अनलाइन प्लेटफर्ममार्फत मतदातासँग कुन चुनाव चिन्ह,कुन दल वा कुन उम्मेदवारलाई मतदान गर्ने भन्ने जस्ता प्रश्न सोध्ने कार्यप्रति झापा जिल्ला प्रशासन कार्यालयले गम्भीर आपत्ति जनाएको छ । युट्युव फेसबुकजस्ता समााजिक सञ्जालमा अन्तर्वाताको नाममा मतदाताको व्यत्तिगत राजनीतिक छनोट सम्बन्धि कुरालाई सामाजिक सञ्जालमा हाल्ने कार्य भएको भन्दै यस्तो कार्य रोक्न प्रशासनले सार्वजनिक सुचना जारी गरेको छ ।

आइतबार जारी विज्ञप्तिमा सहायक प्रमुख जिल्ला अधिकारी तथा निर्वाचन आचारसंहिता अनुगमन अधिकृतका अनुसार केहि अनलाइन सञ्चारमाध्यमले मतदाताको गोपनियता उल्लङ्घन गर्ने खालका सामागी्र प्रसारण गरिरहको जानकारी प्राप्त भएको बताएका छन् । निर्वाचन जस्तो संवेदनशील समयमा यस्ता प्रश्न तथा उत्तर गर्नाले मतदाताको गोपनीयता र स्वतन्त्रतामा असर पुग्नसक्ने भएकाले यस्तो कार्य नगर्न प्रशासनले बताएको छ ।

झापा जिल्ला प्रशासन कार्यालयका अनुसार मतदाताको गोपनीयता खुलाउने वा गोपनियता सार्वजनिक गर्न लगाउने कार्य आचारसंहिता २०८२ को दफा ४९ ( द ) विपरीत पर्ने भएकोले यस्तो क्रियाकलाप आचारसंहिता मानिने र कानुन विपरीत कार्य गरे प्रचलित कानुनअनुसार कारबाही प्रक्रिया अघि बढाइने चेतावनी पनि विज्ञप्तिमा समेटिएको छ ।

जिल्ला प्रशासन कार्यलयले सञ्चारकर्मी र सामाजिक सञ्जाल प्रयोगकर्तालाई आचारसंहिता पालना गर्दै मतदाताको गोपनीयताको सम्मान गर्न आग्रह गरेको छ ।