काठमाडौँ । नेपाल लेयर्स कुखुरापालक संघले सोमबारदेखि लागु हुने गरी अण्डाको थोक मूल्य घटाउने निर्णय गरेको छ । संघले बताए अनुसार स्वदेशमै अण्डा उत्पादन बढ्नु र भारतबाट ठुलो परिमाणमा अण्डा भित्रिन थालेपछि बजारमा आपूर्ति बढि भएकाले मुल्य समायोजन गर्नुपरेको हो।

संघका अध्यक्ष विनोद पोख्रेलले जानकारी दिए अनुसार अण्डाको मूल्यसुचीअनुसार ठूलो अण्डा ३७५,मिडियम ३४५ र एक्सएल ३९० रुपैँया कायम गरिएको बताइएको छ । यसअघि माघ २२ गते सम्म ठुलो अण्डा प्रतिक्रेट ४३५ रुपैँया र मिडियम ४०५ रुपैयाँमा कारोबार हुदैँ आएको थियो ।

नेपाल लेयर्स कुखुरापालक संघका अध्यक्षका अनुसार भारतीय सेतो अण्डा कम मुल्यमा ठुलो मात्रामा बजारमा प्रवेश गर्दा स्वदेशी उत्पादकलाई प्रतिस्थापन गर्न कठिन भईरहेको छ । प्रभावकारी बजार अनुगमनको कमजोरीले आयातित अण्डाको प्रभाव अझ बढेको र त्यसको असर स्थानिय उत्पादनमा परेको उनको भनाइ रहेको छ ।

यसअघि गत मंसिर महिनामा अण्डाको मुल्य हालसम्मकै उच्च विन्दुमा पुगेको थियो । सो समयमा ठुलो अण्डा प्रतिक्रेट ५६५ रुपैँया र मिडियम ५५० रुपैँयासम्म पुगेको संघको तथ्याकं रहेको बताइएको छ । हालको मुल्य समायोजनले तत्काल प्रभाव पार्ने अपेक्षा छ भने दीर्घकालीन समाधानका रुपमा आयात व्यवस्थापन र प्रभावकारी बजार अनुगमन आवश्यक रहेको जनाइएको छ ।