कति छन् यसपटकको निर्वाचनमा देशभर मतदानस्थल ?

काठमाडौँ । आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै देशभरका मतदानस्थल र मतदान केन्द्रको तयारी पूरा भएको छ । यसपटक देशभर कुल १० हजार ९६७ मतदानस्थल कायम गरिएको निर्वाचन आयोगले जनाएको छ । मतदातालाई सहज पहुँच उपलब्ध गराउन १६८ नयाँ मतदानस्थल थप गरिएको छ भने प्रयोगमा नरहेको ९३ स्थान खारेज गरिएको छ ।

यी मतदान स्थलअन्तर्गत देशभर २३ हजार ११२ मतदान केन्द्र रहनेछन् । २०७९ सालको निर्वाचनको तुलनामा यसपटक मतदानस्थल र केन्द्रको संख्या बढाइएको आयोगले जनाएको छ । अन्तिम मतदान मतदाता नामावलिअनुसार करिब १ करोड ८९ लाखभन्दा बढी मतदाता आफनो मताधिकार प्रयोग गर्नेछन ।

पुनरावलोकन क्रममा पायक नपरेका स्थानबाट मतदातालाई नजिकका केन्द्रमा सार्ने,नाम र ठेगानामा भएका त्रुटि सच्याउने तथा आवश्यक समायोजन गर्ने काम गरिएको छ । यसैबीच समानुपातिक निर्वाचन प्रणलिलाई अद्यावधिक गर्न प्रतिनिधिसभा सदस्य निर्वाचन (पहिलो संशोधन) अध्यादेश,२०८२ पनि जारी गरिएको छ,जुन रामचन्द्र पौडेलले मन्त्रिपरिषद सिफरिसमा लागू गरिएको छ ।