आज राति १२ बजेबाट मौन अवधि सुरु हुदैँ,के गर्न पाइदैन ?

काठमाडौँ । फागुन २१ गते तय गरिएको प्रतिनिधिसभा निर्वाचनलाई लक्षित गर्दै आज राति १२ बजेदेखि मौन अवधि लागू हुने भएको छ । निर्वाचन आयोगले मौन अवधि सुरु भएसँगै कुनै पनि प्रकारका चुनावी गतिविधि पूर्ण रुपमा बन्द हुने जनाएको छ ।

आयोगका अनुसार मतदान सम्पन्न नभएसम्म दल वा उम्मेदवारको पक्ष वा विपक्षमा सभा जुलुस,घरदैलो अन्तक्रिया,गोष्ठी वा भोट माग्ने कार्य गर्न नपाइने बताइएको छ । सामाजिक सञ्जाल,अनलाइन ,छापा तथा अन्य सञ्चार माध्यमबाट समेत प्रचार सामाग्री पोष्ट वा सेयर गर्न निशेध गरिएको छ ।

कार्यबाहक प्रमुख निर्वाचन आयुक्त रामप्रसाद भण्डारीले मौन अवधिमा आचारसंरहिता कडाइका साथ पालना गरिने बताएका छन् । मतदान केन्द्र वरपर ३०० मिटर क्षेत्रभित्र राखिएका प्रचार सामाग्री हटाइने र उल्लघंन गर्नेविरुद्ध कारबाहि गर्ने आयोगले जनाएको छ ।

मतदान शान्तिपूर्ण ,निष्पक्ष र त्रासरहित वातावरणमा सम्पन्न गराउने उद्धेश्यले मौन अवधिको व्यवस्था गरिएको आयोगको भनाइ रहेको छ । सबै राजनीतिक दल,उम्मेदवार र मतदातालाई आचारसंहिता पालना गर्न आग्रह गरिएको छ ।