बडादशैं २०७३ को उपलक्ष्यमा घर विदामा जाने सकलदर्जा तथा उनीहरुका आश्रित परिवारहरुको हितको लागि नेपाली सेनाले आजबाट २३ सम्मका लागि बस सेवा सञ्चालनमा ल्याएको छ ।
काठमाण्डौंबाट ईटहरी, हेटौडा, दोलखा, रामेछाप, चौतारा, त्रिशुली, धादिङ्ग, बुटवल, पोखरा, धनगढी, र नारायणगढ सम्म जाने र आउने गरी निःशुल्क बस सेवा सञ्चालनमा ल्याएको हो । उक्त बसहरु सम्बन्धित स्थानबाट प्रत्येक दिनको विहान ६ः०० बजे छुट्ने र प्रति सैनिक व्यक्ति बढीमा ४ जनाले सुविधा लिन पाउने व्यवस्था मिलाईएको छ ।
महानवमीदेखि एकादशीसम्म ३ दिन काठमाण्डौं उपत्यका भित्र सार्वजनिक सवारी साधन न्यून मात्र चल्ने भएकोले सैनिक तथा गैह्र सैनिक व्यक्तिहरुको आवागमनमा सुविधा पु¥याउने उद्धेश्यले बस सेवा सञ्चालन ल्याईएको नेपाली सेनाले जानकारी दिएको छ ।
३ दिन ८ वटा छुट्टा–छुट्टै रुटहरुमा प्रत्येक दिन ६ः०० बजेदेखि ११ः०० बजेसम्म र १६ः०० बजे भद्रकालीबाट ३० सिट क्षमताको १/१ वटा बस निःशुल्क संचालन गर्न मिलाईएको छ ।
