काठमाडौँ । काठमाडौंमा मेगा सेल्स एण्ड एक्सचेन्ज कार्भीनलको भव्य सफलतापछि नेपालमा आयोन र एकसपेंग विद्युतीय सवारी साधनको आधिकारिक वितरक सीजि मोटर्सले पोखरामा मेगा सेल्स एण्ड एक्सचेन्ज कार्भीनल क्याम्प आयोजना गर्ने घोषणा गरेको जनाएको छ। कम्पनीका अनुसार यस कार्यक्रममार्फत ग्राहकहरूले विश्वप्रसिद्ध विद्युतीय सवारी ब्रान्ड आयोन र एकसपेंगका मोडेलहरू नजिकबाट अनुभव गर्ने साथै विशेष तथा मूल्ययुक्त अफरहरूको लाभ लिन सक्नेछन्।
यस मेगा सेल्स एण्ड एक्सचेन्ज कार्भीनलमा आयोन र एक्सपेंगका विद्युतीय सवारीहरूमा आकर्षक बिक्री तथा एक्सचेन्ज अफरहरू उपलब्ध हुने बताइएको छ, जसले प्रिमियम इभी खरिदलाई अझ सहज बनाउनेछ। ग्राहकहरूले आकर्षक नगद छुट, अन-द-स्पट फाइनान्स सुविधा, १ वर्षको अटो प्लस बीमा, एक्सचेन्ज बोनस, वाल-माउन्ट होम चार्जर तथा चालु आर्थिक वर्षको वार्षिक रोड ट्याक्स सुविधाको लाभ लिन सक्ने कम्पनीको दाबी छ। साथै, कार्यक्रम अवधिभर दैनिक लक्की ड्रको व्यवस्था पनि गरिने बताइएको छ।
यो एक्सचेन्ज क्याम्प चैत ११ देखि १४,२०८२ सम्म सीजि मोटर्स, अर्चलबोट, पोखरामा आयोजना हुने जनाइएको छ। आयोजकका अनुसार कार्यक्रममा सहभागी हुने आगन्तुकहरूले ग्राहक केन्द्रित वातावरणमा विशेष अफरहरू,टेस्ट ड्राइभ अवसरहरू तथा अपग्रेड अनुभव गर्न सक्ने छन्, जसले विद्युतीय सवारीतर्फको परिवर्तनलाई सरल र सहज बनाउने उद्देश्य राखेको छ।
सीजि मोटर्सले इच्छुक ग्राहकहरूलाई अर्चलबोट, पोखरामा आयोजना हुने मेगा सेल्स एण्ड एक्सचेन्ज कार्भीनल क्याम्पमा उपस्थित भई सीमित अवधिका यी विशेष अफरहरूको लाभ लिन तथा विश्वस्त रूपमा आफ्नो सवारी अपग्रेड गर्ने अवसरको सदुपयोग गर्न अनुरोध गरेको छ।
