सरकारले लगायो ब्रिज कोर्स कक्षा सञ्चालनमा पूर्ण प्रतिबन्ध

काठमाडौँ । सरकारले ब्रिज कोर्स कार्यक्रममाथि कडाइ गर्ने निर्णय गरेको छ । शिक्षा,विज्ञान तथा प्रविधि मन्त्रालयले नयाँ शैक्षिक सत्र सुरु हुनुअघि सञ्चालन हुदैँ आएका यस्ता कक्षाहरु अब बन्द गर्ने घोषणा गरेको छ ।

मन्त्रालयका अनुसार आागामी वैशाख १ गतेदेखि देशभर ब्रिज कोर्स सञ्चालन गर्न नपाइने भएको छ । विद्यार्थीलाई भर्ना प्रक्रिया अघि तयार गराउने नाममा सञ्चालन गरिने यस्ता कक्षाहरुले शैक्षिक असमानता बढाउने,मानसिकता दबाब सिर्जना गर्ने तथा अभिभावक माथि अतिरिक्त आर्थिक भार थप्ने निष्कर्षसहित यो कदम चलिरहेको जनाइएको छ ।

हालसम्म विद्यालय तथा कलेज भर्ना अघि व्यापक रुपमा सञ्चालन हुदैँ आएका ब्रिज कोर्ष अब पूर्ण रुपमा निधेष हुने मन्त्रालयले जनाएको छ । शिक्षा मन्त्री सस्मित पोखरेलको कार्यकालमा आएको यो निणर्यलाई शिक्षा क्षेत्र सुधारको पहलका रुपमा हेरिएको छ ।