काठमाडौँ । नेपालका लागि फोटोन मोटरको आधिकारिक वितरक एमएडब्लू वृद्धी कमर्शियल भेहिकलले उत्कृष्ट आफ्टर–सेल्स सर्भिस र कस्टमर केयरलाई थप सुदृढ बनाउन पश्चिम र पूर्वी नेपालमा चरणबद्ध रूपमा “फोटोन ईभी टोटल केयर क्याम्प” सञ्चालन गर्न लागेको बताएको छ। कम्पनीका अनुसार, यस पहलको उद्देश्य देशका प्रमुख स्थानहरूमा सर्भिसको सुविधालाई ग्राहक नजिकै पुर्याउदैँ दीर्घकालीन विश्वास र पहुँच सुनिश्चित गर्नु हो। यस अभियान अन्तर्गत फोटोनले आफ्ना सबै विद्यमान ईभी ग्राहकहरूलाई विशेष लाभ तथा निःशुल्क सेवाहरू प्रदान गर्दै आभार र प्रतिबद्धता व्यक्त गरिरहेको जनाइएको छ।
फोटोन ईभी टोटल केयर क्याम्प दुई चरणमा गरी प्रमुख ६ स्थानहरूमा सञ्चालन हुनेछ भने पहिलो चरण २०८२, चैत २२ देखि २०८३, बैशाख ४ सम्म पश्चिम नेपालका बुटवल, धनगढी, दाङ र सुर्खेतमा सञ्चालन हुने बताइएको छ। दोस्रो चरण २०८३, बैशाख ६ देखि १७ सम्म पूर्वी नेपालका इटहरी र बिर्तामोडमा आयोजना गरिनुका साथै यसरी क्षेत्रगत र चरणबद्ध रूपमा क्याम्प सञ्चालन गर्दा विभिन्न क्षेत्रका ग्राहकहरूले सहज रूपमा गुणस्तरीय सेवा र सहयोग प्राप्त गर्न सक्ने जनाइएको छ। क्याम्पमा सहभागी ग्राहकहरूले विभिन्न विशेष सुविधाहरू पाउनेछन् भने यस अन्तर्गत स्पेयर पार्ट्स, लुब्रिकेन्ट तथा लेबर चार्जमा १५ प्रतिशत छुट प्रदान गरिने कम्पनीले बताएको छ।
त्यस्तैगरी प्रत्येक सवारीसाधनको निःशुल्क निरीक्षण, सम्पूर्ण ‘बम्पर–टु–बम्पर’ चेकअप, तथा निःशुल्क वासिङ र ग्रिजीङ सेवा उपलब्ध हुने जनाइएको छ। यी सेवाहरूले सवारीसाधनको कार्यसम्पादन सुधार गर्न, मर्मत खर्च घटाउन र ग्राहकलाई सहज सेवा अनुभव प्रदान गर्न सहयोग पुर्याउने विश्वास कम्पनीको रहेको छ ।
कम्पनीका अनुसार, फोटोन नेपालले देशभर १४ भन्दा बढी सेल्स तथा सर्भिस सेन्टरहरूको विस्तार मार्फत आफ्टर–सेल्स सर्भिसमा आफ्नो उपस्थिति अझ मजबुत बनाउँदै आएको छ। एमएडब्लू वृद्धीको सहकार्यमा विकसित यस नेटवर्कले ग्राहकलाई सधैंभरी विश्वसनीय र गुणस्तरीय सेवा नजिकबाट उपलब्ध गराउने सुनिश्चितता दिनुका साथै नेपालभर १६६ भन्दा बढी सीसएिस २ टाइप डिसी फास्ट चार्जिङ पोइन्टहरू विस्तार गर्दै फोटोनले ईभीको प्रयोगमा ग्राहकको विश्वास बढाउँदै लगिरहेको कम्पनीको दाबी छ।
फोटोनको विश्वव्यापी “टोटल केयर” अवधारणा अनुसार, प्रत्येक क्याम्पमा दक्ष प्राविधिक, जेनुइन स्पेयर पार्ट्स र पारदर्शी प्रक्रिया मार्फत उच्चस्तरीय सेवा प्रदान गरिने बताइएको छ। नेपालमा एमएडब्लू वृद्धीले यस प्रतिबद्धतालाई व्यवहारमा उतार्दै प्रत्येक फोटोन ग्राहकका लागि विद्युतीय सवारीलाई अझ सहज र निश्चिन्त बनाइरहेको जनाइएको छ।
एमएडब्लू वृद्धी कमर्शियल नेपालमा व्यावसायिक सवारीसाधन आपूर्ति गर्ने कम्पनी हो, जसले उत्कृष्ट यातायात समाधान विकास र उपलब्ध गराउने लक्ष्य राखेको बताइएको छ। कम्पनी फोटोन सवारीसाधनको आधिकारिक वितरक हो र विश्वसनीयता तथा उच्च कार्यसम्पादन मार्फत ग्राहक सन्तुष्टि हासिल गर्न प्रतिबद्ध रहेको जनाइएको छ। कम्पनीका अनुसार,देशभर विस्तार भइरहेको शोरूम तथा सर्भिस सेन्टरहरूको नेटवर्क मार्फत कम्पनीले व्यवसायिक क्षेत्रका ग्राहकलाई उच्च गुणस्तरका सवारीसाधन र विश्वस्तरीय आफ्टर-सेल्स सर्भिस प्रदान गर्दै आएको छ।
