हुलाक सेवा आधुनिक बन्दै: कुरियर अब छिटो र बिदामा पनि सञ्चालन

काठमाडौँ । विदेशतर्फ पठाइने तथा बाहिरबाट आउने हुलाक सामाग्रीको प्रक्रिया अब तीव्र र व्यवस्थित हुने भएको छ । हुलाक सेवा विभागले विभिन्न सरकारी निकायसँग सहकार्य गर्दै कुरियर सेवामा द्रुत प्रणाली लागू गर्ने तयारी गरको छ भने यसले ढिलाई कम गर्ने लक्ष्य राखेको छ ।

यो व्यवस्था अन्तर्गत त्रिभुवन अन्तराष्ट्रिय विमानस्थलमा हुलाक सामाग्रीका लागि छुट्टै जाँचपास संयन्त्र बनाइने छ । यसले सामानको सुरक्षासँगै प्रक्रियालाई छरितो बनाउने अपेक्षा गरिएको छ ।

त्यस्तै गरी अब सार्वजनिक बिदाको दिन पनि हुलाक सेवा निरन्तर सञ्चालन हुने तयारी भइरहेको छ । पहिले भन्सार तथा बैँक बन्द हुँदा सेवा प्रभावित हुने समस्या देखिएको थियो भने यसलाई अब समन्वयमार्फत समाधान गरिँदैछ ।

भन्सार विभाग लगायत सम्बन्धित निकायको सहकार्यमा अघि बडिरहेको यो सुधारले सेवाग्राहीलाई सहजता दिनुका साथै हुलाक सेवाको प्रभावकारीता र राजस्वमा सकारात्मक योगदान पुर्याउने विश्वास गरिको छ ।