डेटा प्याक सकिएपछि पनि ब्यालेन्स नकट्ने कसरी बनाउने ? यस्तो छ तरिका

काठमाडौँ । नेपालमा टेलिकमका प्रयोगका लागि उपयोगी अपडेट सार्वजनिक भएको छ । अब डेटा प्याक सकिएपछि स्वतः मुख्य ब्यालेन्स कटिने समस्या समाधान गर्न सकिने भएको छ । यसले विशेषगरी मोबाइल डेटा प्रयोग गर्दा अनावश्यक रुपमा पैसा खर्च हुने अवस्थालाई नियन्त्रणमा ल्याउने अपेक्षा गरिएको छ ।

एनटिसी सिम प्रयोगकर्ताले आफ्नो मोबाइलबाट *444# डायल गरेर उपलब्ध मेनुमा प्रवेश गर्न सकिनेछ । त्यहा देखिने  विभिन्न हरुमध्ये ४ नम्बरको  विकल्प चयन गरेर पीएआइजी (पे एज यू गो) सेवा डिसेवल गर्न सकिनेछ । यस सेटिंग अफ गरेपछि डेटा प्याक सकिएपछि स्वतः डेटा चल्ने र ब्यालेन्स कटिने प्रक्रिया बन्द हुन्छ ।

पहिले धेरै प्रयोगकर्ताले डेटा प्याक सकिएको थाहा नपाई इन्टरनेट चलाउँदा ब्यालेन्स छिट्टै सकिने गुनासो गर्दै आएका थिए । अब यो नयाँ व्यवस्थाले त्यस्ता समस्यालाई हटाउँदै प्रयोकर्तालाई आफ्नै नियन्त्रणमा खर्च व्यवस्थापन गर्ने सुविधा दिएको हुन्छ ।

यस सुविधा प्रयोग गरेपछि प्रयोगकर्ताले आवश्यक परेको बेला मात्र डेटा प्याक खरिद गरेर इन्टरनेट प्रयोग गर्न सक्नेछन् । यसले खर्च बचत मात्र होइन स्मार्ट तरिकाले मोबाइल सेवा प्रयोग गर्ने अवसर पनि प्रदान गर्नेछ ।