नेप्सेमा सुधारभएसँगै ७.७३ अंकको वृद्धि,४ अर्ब ७३ करोडको सेयर कारोबार

काठमाडौँ । नेप्से परिसूचकमा आज सुधार देखिएको छ । बजार ७.७३ अंकले बढ्दै २७९६.४३ विन्दुमा पुगेको हो । कारोबार पनि उत्साहजनक रह्यो भने जहाँ करिब ४ अर्ब ७३ करोड रुपैँया बराबरको सेयर किनबेच भएको छ । दिनभर ३५१ कम्पनीका कुल १ करोड ८ लाखभन्दा बढी कित्ता सेयर कारोबारमा आएका थिए । बजारमा लगानीकर्ताको चहलपहल बढेको देखिएको छ ।

उपसूचकतर्फ पनि हरियाली देखिएको छ । ८ वटा उपसूचक सकारात्मक बनेका छन् । वाणिज्य बैँक समूह ०.६८ प्रतिशत,विकास बैँक १.१४ प्रतिशत ,फाइनान्स ०.४२ प्रतिशत र होटल तथा पर्यटन समूह ०.९७ प्रतिशतले वृद्धि भएका छन्।

आजको कारोबारले बजारमा सकारात्मक मनोबल कायम भएको संकेत गरेको विश्लेषकहरुको भनाइ छ ।