सर्वोत्तम पेन्ट्सको आईपीओमा आवेदन दिने आज अन्तिम दिन

काठमाडौं । सर्वोत्तम पेन्ट्स इण्डष्ट्रिज लिमिटेडले वैदेशिक रोजगारीमा रहेका नेपालीहरूका लागि निष्काशन गरेको आईपीओमा आवेदन दिने आज अन्तिम दिन रहेको छ। कम्पनीले वैशाख २१ गतेदेखि पहिलो चरणअन्तर्गत उक्त आईपीओ बिक्री खुला गरेको हो।

कम्पनीले जारी पूँजी ३४ करोड रुपैयाँको २५ प्रतिशत बराबर ८ करोड ५० लाख रुपैयाँको आईपीओ निष्काशन गर्न नेपाल धितोपत्र बोर्डबाट अनुमति पाएको छ। प्रतिशेयर १०० रुपैयाँ अंकित दरमा कुल ८ लाख ५० हजार कित्ता शेयर निष्काशन हुनेछन्।

कुल निष्काशनमध्ये १० प्रतिशत अर्थात ८५ हजार कित्ता शेयर वैदेशिक रोजगारीमा रहेका नेपालीहरूका लागि छुट्याइएको छ। श्रम स्वीकृति प्राप्त नेपालीहरूले उक्त आईपीओमा आवेदन दिन सक्नेछन्।

लगानीकर्ताले न्यूनतम १० कित्ता देखि अधिकतम ५ हजार कित्टासम्म आवेदन दिन सक्ने व्यवस्था गरिएको छ। आवेदन आज वैशाख २४ गते बैंकिङ समयभित्र पेश गरिसक्नुपर्नेछ। कम्पनीको धितोपत्र निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ।