बालबालिकामा हुने क्यान्सर रोगको सरकारी अस्पतालमा निःशुल्क उपचार, नर्सिङ कर्मचारीको रात्रि भत्ता दोब्बर

काठमाडौं । सरकारले बालबालिकामा हुने क्यान्सर रोगको सरकारी अस्पतालमा निःशुल्क उपचार गर्ने व्यवस्था मिलाएको छ ।

शुक्रबार संघीय संसद्को संयुक्त बैठकमा आगामी आर्थिक वर्ष २०८३/०८४ को बजेट प्रस्तुत गर्दै अर्थमन्त्री डा. स्वर्णिम वाग्लेले स्वास्थ्य क्षेत्र सुधारका लागि विभिन्न कार्यक्रम घोषणा गरेका हुन् ।

उनका अनुसार, नर्सिङ सेवामा खटिने कर्मचारीहरूको रात्रि भत्ता दोब्बर बनाइनेछ । त्यस्तैगरी, प्रदेशस्तरमा मिर्गौला उपचार केन्द्र र ट्रमा सेन्टर स्थापना तथा सञ्चालन गरिने सरकारले जनाएको छ।

सरकारले स्वास्थ्य सेवाको पहुँच विस्तार, उपचारलाई सहज बनाउने तथा स्वास्थ्यकर्मीको मनोबल बढाउने उद्देश्यले यी कार्यक्रम अघि सारेको अर्थमन्त्री वाग्लेले बताए ।