महोत्तरीमा ४८६ केजी बढी गाजाँसहित दुई जना पक्राउ

महोत्तरी । अवैध लागूऔषध गाँजा करिब ४८ किलोग्राम सहित २ जनालाई प्रहरीले पक्राउ गरेको छ । पक्राउ पर्नेहरूमा मकवानपुर कैलाश गाउँपालिका-६ भकुण्डे बस्ने २१ वर्षीय विपस नेगी र सोही गाउँपालिका–१ क्यूरेनी बस्ने २४ वर्षीय साधुराम थिङ रहेका छन् ।

एकडारा गाउँपालिका-१ भटौलियामा ना ३ ख ६५९२ नम्बरको ट्रकबाट ४० किलो ३ सय ६० ग्राम गाँजासहित चालक विपस र ट्रकमा सवार साधुराम पक्राउ परेका थिए ।

थप अनुसन्धानको क्रममा उनीहरूले ट्रकमा रहेको थप गाँजा महोत्तरी गाउँपालिका-४ रानी रतवडामा झारेको भन्ने खुल्न आए पश्चात जिल्ला प्रहरी कार्यालय महोत्तरीबाट प्रहरी खटिएको थियो ।

प्रहरीले महोत्तरी गाउँपालिका-४ रानी रतवडा बस्ने ४२ वर्षीया लिलमदेवीको घर तलासी गर्दा लुकाई छिपाई राखेको ३५ वटा प्लाष्टिकको पोकामा रहेको थप ४ सय ४६ किलो ७ सय ४५ ग्राम गाँजा फेला पारी आइतबार बिहान बरामद गरेको हो ।