१ सय जना नेपाली सेनाको ‘सेकेण्ड लेफ्टिनेन्ट’ पदमा माग

जानकारी केन्द्र

२०७२, पुष, २१

१ सय जना नेपाली सेनाको ‘सेकेण्ड लेफ्टिनेन्ट’ पदमा माग

नेपाली सेनाको जंगी अड्डाले स्वीकृत दरबन्दीभित्र रिक्त अधिकृत क्याडेट (सेकेण्ड लेफ्टिनेन्ट)को लागि १ सय जना कर्मचारी माग गरेको छ।

खुला र समावेशी गरी एक सय जना कर्मचारीका लागि दरखास्त माग गरिएको छ। पुस २१ अर्थात बिहिबारदेखि माघ २१ गतेसम्म इच्छुकले आवेदन दिन सक्नेछन्।

दोब्बर दस्तुरमा थप सात दिनको म्याद दिइने जंगी अड्डाले जनाएको छ। भर्ना छनोट निर्देशनालय जंगी अड्डा भद्रकाली, मध्य पृतना हेडक्वार्टर सुपारेटार हेटौंडा, मध्य पश्चिम पृतना हेडक्याटर तिमारे ब्यारेका सुर्खेत, पूर्वी पृतना हेडक्वार्टर इटहरी व्यारेक सुनसरी, पश्चिम पृतना विजयपूर व्यारेक पोखरा, सूदुर पश्चिम पृतना हेडक्वार्टर राजपुर र राजपुर व्यारेक दिपायलमा आवेदन दिन सकिनेछ।

शैक्षिक योग्यताको हकमा प्रमाण पत्र तह वा सो सरहको उत्र्तिण गरेको हुनु पर्नेछ। विदेशमा एसएलसी वा प्रमाण पत्र गरेको हकमा भने गणित विषय अनिवार्य पढेको हुनु पर्ने जंगी अड्डाले जनाएको छ।

खुला तर्फको फारम भर्दा एक हजार रुपैयाँ दस्तुर लाग्ने र समावेशी तर्फ भर्नेहरुले थप एक हजारको २० प्रतिशतले वढी दस्तुर बुझाउनु पर्ने छ।