नेपाल लाईफ ईन्स्योरेन्स कम्पनी (Nepal life inusrance comapny) ले ३० लाख ९६ हजार ४ सय २९ कित्ता फर्दर पब्लिक अफरिङ एफपिओ निष्काशन गर्ने भएको छ । कम्पनी (NLIC) ले यही पुस २७ गते बुधबारबाट एफपिओ निष्काशन गर्ने भएको हो ।
अंकित मूल्य १०० रुपैयाँमा १३२५ प्रिमियम थपेर कम्पनीले प्रतिकित्ता १४ सय २५ मा एफपिओ निष्काशन गर्न लागेको हो ।
कम्पनीको शेयरमा न्युनतम १० कित्ता (१४ हजारर २५० रुपैयाँ) देखि अधिकतम ३० हजार ९६० कित्ता (४ करोड ४१ लाख १८ हजार रुपैयाँ) सम्म आबेदन गर्न पाईने भएको छ । कम्पनीको शेयर निष्काशन तथा बिक्री प्रबन्धकमा सिद्धार्थ क्यापिटल लिमिटेड रहेको छ ।
यो निष्काशनपछि कम्पनीको शेयर संरचना ७० प्रतिशत संस्थापक र ३० प्रतिशत सर्वसाधरणको हुनेछ । हाल २ अर्ब १६ करोड ७५ लाख चुक्तापूँजी भएको कम्पनीको एफपिओ निष्काशनपछि चुक्तापूँजी २ अर्ब ४७ करोड ७१ लाख ४२ हजार ९ सय पुग्नेछ ।
