मंसिर २६, काठमाडौं | नेपालबाट भिजिट भिसामा विदेश जानको लागि अध्यागमन विभागले थप कडाइ गर्ने भएको छ | अध्यागमन विभागले कार्यविधि संशोधन गर्दै थप कडाइ गर्ने बताएको हो |

भिजिट भिसाको बाहनामा श्रमकालागि विदेश जानेहरुको उजुरी बढेपछि आवश्यक थप कडाइ गरिने अध्यागमन विभागका महानिर्देशक रमेशकुमार केसीले जानकारी दिए | कोरोना महामारीकै बिच भिजिट भिषामा विदेश जानेहरुको संख्या बढेकोले जसलाई रोक्न कार्यविधि संशोधन गर्ने विषयमा आन्तरिक छलफल भइरहेको उनले बताए |

विभागका अनुसार,पछिल्लो समय भिजिट भिषा लिएर श्रम गर्न जानेको संख्या बढिरहेको छ | हाल भिजिट भिसामा जानका लागि जेन्युन भिजिट भिसा हुनुपर्ने, दुईतर्फी टिकट हुनुपर्ने, त्यहाँ बस्नका लागि होटल वा स्पोन्सरको व्यवस्था हुनुपर्ने र साथमा कम्तीमा १ हजार डलर हुनुपर्ने व्यवस्था रहेको छ |