भारतद्वारा कोभिशील्ड निकासीमा रोक, अरू विकल्प नेपाललाई किन असहज ?

काठमाडौं । कोरोना भाइरसको दोस्रो लहरलाई नियन्त्रणमा राख्न नेपालीहरूको वैदेशिक रोजगारीको प्रमुख गन्तव्य खाडी मुलुक कतारले आजबाट लागू हुने गरी थप नयाँ कदम चालेको छ ।

कतारले ३३ बुँदे निर्देशन जारी गर्दै सार्वजनिक पार्क, समुद्री किनारा, कर्निसलगायत सार्वजनिक स्थलहरू बन्द गरी त्यस प्रकारका स्थानहरूमा एकै परिवारका दुई जना भन्दा बढिलाई प्रवेश नदिइने जनाएको छ ।

व्यापारिक महलमा हुने क्रियाकलापलाई ३० प्रतिशत सीमित गरिएको भन्दै कतारले १२ वर्ष भन्दा कम उमेरका बालबालिकाहरूलाई महल तथा पार्कहरूमा जान बन्देज लगाएको छ ।

साथै यसअघि झैँ घरबाट बाहिर निस्किँदा चालु अवस्थामा रहेको ‘एथराज एप’ मोवाइलमा अपलोड गर्न पनि निर्देश दिएको छ । त्यस्तै सवारी साधनमा चालक बाहेक ३ जना भन्दा बढी यात्रुले यात्रा गर्न नपाइने निर्देशन दिँदै सवारी साधन वा पैदल बाहिर निस्किँदा मास्क अनिवार्य गरेको छ ।

कतारस्थित नेपाली दूतावासले पनि संक्रमण नियन्त्रणका लागि कतार सरकारले जारी गर्ने निर्देशनहरूको पूर्ण पालना गर्न र कोरोनाको सङ्क्रमणबाट आफू र समुदायलाई सुरक्षित राख्न नेपाली समुदायमा आग्रह गरेको छ ।

कतारले जारी गरको ३३ बुँदे निर्देशन उल्लंघन गरेमा दण्ड जरिवाना तिर्नुपर्ने भन्दै दूतावासले सचेत र सतर्क रही निर्देशन पालना गर्न समेत अनुरोध गरेको छ ।

कतारमा रोजगारीमा रहेका नेपाली कामदारहरू बिदाका दिन एकै ठाउँ भेला भई रमाइलो गर्ने गरेका छन् । दूतावासले सकेसम्म अनावश्यक रूपमा सामाजिक भेटघाट नगर्न र घरभित्र बस्दा पनि ५ जना भन्दा बढी नबस्न आग्रह गरेको छ ।