साफ यु–१९ फुटबलमा नेपालले भुटानलाई ३–१ ले हराउँदै विजयी सुरुआत गरेको छ । नेपालको जितमा विमल घर्तीमगरले ह्याट्रिक गरे । समुह ‘ए’ मा रहेको नेपालले अब सोमबार बंगलादेशसँग खेल्नेछ ।
बिहिबार सातदोबाटो स्थित एन्फाको आर्टिफिसियल टर्फमा भएको खेलमा बिमलले १०औं, २९औं र ६२औं मिनेटमा गोल गरेका थिए । भुटानका सोनाम टोग्बेले ११औं मिनेटमा गोल गरेका थिए ।जितसँगै नेपाल ३ अंकका साथ समूहको शीर्ष स्थानमा छ ।
