सुनको मूल्य गिरावट, तोलामा कति ?

 आइतबार नेपाली बजारमा सुनको भाउ प्रतितोला ९२ हजार रुपैयाँमा झरेको छ । नेपाल सुनचाँदी व्यवसायी महासङ्घका अनुसार गत शुक्रबार प्रतितोला ९२ हजार १ सय रुपैयाँमा कारोबार भएको सुन आज १ सय रुपैयाँले घट्दै ९२ हजार रुपैयाँमा झरेको हो ।

महासङ्घका अनुसार आज तेजाबी सुनको मूल्य समेत एक सय रुपैयाँले नै घट्दै ९१ हजार ५ सय रुपैयाँमा कारोबार भइरहेको छ । यता चाँदीको मूल्य भने गत शुक्रबारको मूल्यमा प्रतितोला १० रुपैयाँले घट्दै आज एक हजार २ सय ७० रुपैयाँ कायम भएको महासङ्घले जनाएको छ ।