वास्तुशास्त्रले भन्छ– यस्ता काम गरे हात पर्छ सफलता..

वास्तुशास्त्रले भौतिक विकास निर्माण बारे निकै चर्चा गरेको छ । वास्तुशास्त्रमा उद्योग, नहर, कुवा, इनार, मन्दिर, घर, अफिस, बजार आदिको निर्माण गर्ने बारे वर्णन गरिएको हुन्छ । स्थापत्य वेदमा पनि यस बारे धेरै कुराहरुको वर्णन गरिएको छ । जुन आजको वास्तुशास्त्र हो । इञ्जिनीयरिंग र आकीटेक्ट लगायतका क्षेत्रमा पनि यस उपवेदको विकास भइरहेको देख्न सकिन्छ ।

वास्तुशास्त्र अनुसार यी कामहरु गरे सफल भइनेछः

-उत्तर एवं पुर्वबाट अग्निको सामान हटाएर दक्षिण-पूर्व कोणमा राख्दा लगभग घरको सबै कामकुरा ठीक हुँदै जानेछन् ।

-दक्षिणपूर्व कोणमा भान्छा कोठा बनाएमा स्वास्थ्य र धनलाभ प्रायः सदैव भइनै रहन्छ ।

-सदैव सुत्दा दक्षिण शिर राखेर सुत्ने। दक्षिण या ढोकातर्फ पाइताला फर्काएर सुत्दा सदैव अनर्थ मात्रै हुनेछ ।

-विशेष लाभ चाहनुहुन्छ भने पश्चिम भित्ताको आडमा पश्चिम पैताला राखी सुत्नुहोस् ।

-कुनै पनि कुनामा सेफ राख्दा, बस्दा या फाइलहरू राख्दा त्यसको महत्व शून्य हुनजान्छ अर्थात् त्यसको महत्व हुँदैन।

-मङ्गलबार र शनिबार कदापि नयाँ काम सुरु गर्नु हुँदैन। बुधबार बिहान ११ बजेपछि र शुक्रबार गरिएका काम सफल हुनेछन् ।

-हजुरको पछाडि, झयाल, ढोका खुल्ला हुनु हुँदैन । पछाडि भित्ता भएमा तपाईंलाई साहस एवं साहारा मिल्नेछ ।

-दिशा या पिसाब गर्दा उत्तर या दक्षिण मुख गरी गर्दा पनि दैवीय सहायता मिल्नेछ ।

-दक्षिण-पूर्व कोणमा बस्दा मान-सम्मान एवं पदप्रतिष्ठा बढ्नेछ ।

-दक्षिण भागमा पाइप, पोल या बाँस राखी उचाइ बढाउँदा पनि घरमा शुभफल पैदा हुनेहुन्छ ।

-शनिबारको दिन पिपल वृक्षलाई चिनी-पानी, चिनी-चामल मोलेर या तेल चढाउँदा धनलाभ हुने हुन्छ ।