स्थानीयले बञ्चरेडाँडामा भदौदेखि फोहोर फाल्न नदिने..

काठमाडौं । काठमाडौं उपत्यकाको फोहोर डम्पिङ गर्ने सिसडोल–बञ्चरेडाँडा ल्यान्डफिल साइटमा स्थानीयवासीले सधैंका लागि फोहोर फाल्न नदिने घोषणा गरेका छन् ।

बञ्चरेडाँडा ल्यान्डफिल साइट सरोकार समितिले बिहीबार पत्रकार सम्मलेन गर्दै भदौ १ गतेदेखि सधैंका लागि उपत्यकाको फोहोर फाल्ने नदिने घोषणा गरेको हो । समितिले महानगरले सम्झौताअनुुसार काम नगरेको, उपत्यकाको अन्य स्थानमा ल्यान्डफिल साइट खोजेर बञ्चरेडाँडावासीलाई बेवास्ता गर्न खोजेको भन्दै फोहोर फाल्न नदिने घोषणा गरेको सरोकार समितिका संयोजक श्रीराम ढुंगानाले जानकारी दिए ।

उनले यो विषय समितिद्वारा प्रधानमन्त्री कार्यालय, सहरी विकास मन्त्रालयमा समेत जानकारी भइसकेको बताए । सरकारसँग १ भदौदेखि फोहोर फाल्ने भए जम्मा २ वटा मात्रै विकल्प रहेको बारे उनले भने, ‘मानबस्तीरहित ल्यान्डफिल साइट विकास क्षेत्र वा फोहोरमैला प्रदूषणरहित मानवबस्ती विकास क्षेत्र मध्ये सरकारले एउटा मात्रै छान्न पाउने छ । बञ्चरेडाँडाका मानिसहरुको जिउधनको रक्षागर्ने, हाम्रो मागहरु पूरा गर्ने ग्यारेन्टी गरे मात्रै १ भदौदेखि फोहोर जान पाउँछ ।’