रुसको आक्रमणबाट ‘हिरो अफ युक्रेन’ उपाधि पाएका अन्न उद्योगीको मृत्यु

काठमाडौं । युक्रेनको माइकोलेभ सहरमा रुसको मिसाइल आक्रमणबाट एक व्यापारी दम्पतीको मृत्यु भएको छ ।

बीबीसीले घरमा गएराति मिसाइल प्रहारका कारण ७४ वर्षीय ओलेक्सी भादाटुस्र्की र उनकी श्रीमती रायसाले ज्यान गुमाएको जनाएको छ । भादाटुस्र्कीले हिरो अफ युक्रेन’को अवार्डसमेत पाएका थिए । उनी अन्न निर्यातमा संलग्न एक कम्पनी निबुलोनका प्रमुख हुन् । फोर्ब्स म्यागेजिनले सन् २०२० मा उनको सम्पती ४५० मिलियन डलर रहेको बताएको थियो ।

युक्रेनका राष्ट्रपति भ्लोदोमिर जेलेन्स्कीले भादाटुस्र्की दम्पतीमाथि नियोजित आक्रमण भएको र उनीहरुको निधनबाट युक्रेनलाई ठूलो क्षति पुगेको बताए । त्यस्तै, माइकोलेभ सहरका मेयर अलेकजेन्डर सेन्केभिचले रुसले सहरमा हालसम्मकै ठूलो बमबारी गरेको बताए । उक्त आक्रमणले सहरका दुई विद्यालय, खेलकुद परिसर, होटल, सेवा केन्द्र र घरहरुमा क्षति पुगेको छ ।