सर्लाहीमा घरेलु हतियार सहित प्रहरी माथी अाक्रमण- जानकारी केन्द्र

सर्लाहिको अर्नाहा–३ स्थित बोडर दसगजामा चन्दा संकलन गरिरहेको समूहले हँसिया, खुर्पा र लाठी प्रहार गर्दा प्रहरी चौकी अर्नाहामा कार्यरत प्रहरी सहायक निरीक्षक गौरीशंकर साह र प्रहरी जवान शुशिलकुमार साह मंगलबार घाइते भएका नेपाल प्रहरीले जनाएको छ । चौकीको प्रहरी टोलीले उनीहरुलाई सम्झाई बुझाई गर्नेक्रममा सो समुहले प्रहरीमाथि एक्कासि हतियार प्रहार गरेको थियो ।
प्रहरीले हवाई फायर गरी तत्काल स्थितिलाई नियन्त्रणमा लिएको छ । साथै घटनामा संलग्न शंकास्पद अर्नाहा–३ बस्ने ७३ वर्षीय सोनफ राय र ३२ वर्षीय नथ्थु रायलाई प्रहरीले नियन्त्रणमा लिएर आवश्यक अनुसन्धान गरिरहेको नेपाल प्रहरीले जानकारी दिएको छ ।