कहिले आफैंले राखिन् बिहेको प्रस्ताव त्यसपछि डिभोर्स, अब दोस्रो बिहेको तयारीमा अभिनेत्री

एजेन्सी । मलाइका अरोरा बलिउडकी ग्ल्यामरस र चर्चित अभिनेत्री हुन् । हालै नायिकाले डिजिटल डेब्यु गरेकी छिन् । हाल उनी आफ्नो शो ‘मुभिङ इन विथ मलाइका’मा देखिएकी छिन् ।

यस शोमा मलाइका अरोराले फ्यानलाई आफ्नो जीवनमा झलक दिने मौका दिइरहेकी छिन् । शोको हरेक एपिसोडमा फ्यानहरूले मलाइकाका बारेमा धेरै यस्ता कुराहरू थाहा पाउँछन् जुन उनीहरूले कहिल्यै नसुनेका हुन सक्छन् । हालै नायिकाले आफ्नो दोस्रो बिहेको कुरा पनि गरेकी छिन् ।

मलाइका अरोरा एक यस्तो अभिनेत्री हुन् जसले फिल्ममा आफूलाई स्थापित गर्न सकेकी छैनन्, तर उनलाई हेडलाइनमा कसरी रहन राम्रोसँग थाहा छ । सामाजिक सञ्जालमा उनको प्रभुत्व छ । उनको बारेमा जान्नका लागि फ्यानहरु पनि निकै उत्साहित छन् ।

उनको जीवनको रहस्यले मानिसहरूलाई उनीतर्फ आकर्षित गर्न बाध्य पार्छ । मलाइकाले नै अरबाजलाई विवाहको प्रस्ताव गरेकी थिइन् भन्ने सायदै कसैलाई थाहा छैन । यसबाहेक मलाइकाले आफ्नो जीवनका धेरै महत्वपूर्ण खुलासा गरेकी छन् ।

अरबाजले मलाइकालाई गरेका थिएनन् पहिले प्रपोज
हालै मलाइकाले आफ्नो शो ‘मुभिङ इन विथ मलाइका’मा आफ्नो पूर्व पति अरबाज खानसँग कसरी विवाह गरिन् भन्ने खुलासा गरेकी छन् । अभिनेत्री भन्छिन्, ‘मैले तिमीसँग बिहे गर्न चाहन्छु भनेको थिएँ, तिमी तयार छौ रु’ जवाफमा अरबाजले निकै मायाले भने, ‘तिमीले मात्र दिन र ठाउँ छान्नुपर्छ ।

आफ्नो कुरालाई अगाडि बढाउँदै मलाइकाले भनिन्, ‘सबै कुरा ठिक थियो, केही कुराले मलाई सताइरहेको थियो, त्यसैले मैले अगाडि बढ्नु पर्छ भन्ने महसुस गरें । मैले महसुस गरें कि यो गर्नको लागि सही तरिका हो, केहि सम्बन्धहरू छोड्नुपर्छ । तर बिछोड पछि पनि हामी एकअर्कालाई सम्मान गर्छौं, किनकि अहिले हामी फरक मान्छे भएका छौं ।’

मलाइका दोस्रो बिहेको तयारीमा
मलाइका अरोराले सन् १९९८ मा अरबाज खानसँग विवाह गरेकी थिइन् । विवाहको यति वर्षपछि सन् २०१६ मा दुवैको बाटो छुट्टियो र दुवैले छुट्टिने निर्णय गरे । उनीहरुको सन् २०१७ मा सम्बन्धविच्छेद भएको थियो । दुबैको एक छोरा अरहान खान छन् । मलाइका हाल अर्जुन कपूरसँग डेट गरिरहेकी छिन् भने अरबाज खान पनि मोडल जर्जिया एन्ड्रियानीसँग सम्बन्धमा छन् ।