भारतले बढाएर पठायो पेट्रोलियम पदार्थको मूल्य

काठमाडौं । भारतीय आयल निगम (आईओसी) ले पेट्रोलियम पदार्थको मूल्य बढाएर पठाएको छ । नेपाल आयल निगमका अनुसार अघिल्लो पटकको तुलनामा पेट्रोल प्रतिलिटर २ रुपैयाँ ४ पैसा र डिजेल प्रतिलिटर २ रुपैयाँ ११ पैसा बढेर आएको छ ।

हवाई इन्धनको मूल्य भने प्रतिलिटर ७ रुपैयाँले घटेको छ । इन्धनको भाउ बढेर आए पनि हाललाई नेपालमा मूल्यवृद्धि नगर्ने तयारीमा निगम देखिएको छ । नेपाल आयल निगमलाई आईओसीले १५/१५ दिनमा इन्धनको मूल्य सूची पठाउँछ ।

सोही अनुसार अघिल्लो पटकको तुलनामा मूल्य सामान्य बढेर आएको हो । हाल निगमले पेट्रोलको मूल्य प्रतिलिटर १७५ तथा डिजेल र मट्टितेल १५५ रुपैयाँमा बिक्री गर्दै आएको छ ।