आँखा पाक्ने समस्या किन हुन्छ ? कसरी जोगिने ?

काठमाडौं । अहिले आँखा पाक्ने रोगले धेरैलाई ग्रसित बनाएको छ । साना बालबालिकामा अझ यो समस्या धेरै देखिएको छ, जसका कारण कतिपय स्थानमा विद्यालयमा समेत बिदा दिइएको छ ।

यस्तोमा आँखा पाक्ने रोगबाट कसरी जोगिने भन्ने धेरैलाई चिन्ता भइरहेको छ । यसबाट जोगिने मुख्य उपाय सर सफाइमा ध्यान दिनु आवश्यक छ । आँखा पाक्ने समस्या भइहालेमा निम्न कुरामा ध्यान दिनुपर्छ ।

बच्ने उपाय
आँखा पाक्ने रोगबाट बच्न धुलो धुवाँबाट बच्ने, केमिकेलको काम गर्दा चश्मा लगाउने, घर बाहिर जाँदा सनग्लासको प्रयोग गर्ने गर्नुपर्छ । मोटरसाइकल, स्कुटर चलाउँदा सनग्लासको प्रयोग गर्नु राम्रो हुन्छ । स्वीमिङ गर्दा चश्मा लगाउनुपर्छ ।

कामबाट बेलुका घर फर्किएपछि एक पटक आँखालाई चिसोपानीले धुनुपर्छ । यसले आँखालाई धुलो, धुवाँ, केमिकल र संक्रमण हुनबाट जोगाउँछ ।

आँखा पाक्ने रोग लागिसकेको खण्डमा आँखालाई दिनको दुई–तीन पटक मनतातो पानीले सफा गर्ने, आँखा बन्द गरेर बस्ने, आराम दिने, आफूले प्रयोग गरेको रुमाल, चश्मा, मोबाइल अरुलाई प्रयोग गर्न नदिने, घर बाहिर कम हिंड्ने गर्नुपर्छ ।