सबैभन्दा धेरै हिट फिल्म दिएर कीर्तिमान राख्ने यी हुन् साउथका ५ शीर्ष कलाकार

एजेन्सी । यशको ‘केजीएफ ३’को रिलिजको प्रतिक्षामा दर्शकहरू पर्खिरहेका छन् । प्रभास पछिल्ला केही फ्लप पछि ‘सालार’बाट कमब्याक गर्न आतुर छन् । दुबै स्टारका केही फिल्म बक्स अफिसमा ब्लकबस्टर भएका छन् तर सबैभन्दा धेरै हिट फिल्म दिने कुरामा साउथ सिनेमाका यी ५ स्टारभन्दा पछि परेका छन् ।

अल्लु अर्जुन
अल्लु अर्जुनले अहिलेसम्म करिब २५ फिल्ममा काम गरिसकेका छन् । मिडिया रिपोर्टका अनुसार यी मध्ये करिब १९ फिल्मले बक्स अफिसमा सफल भएका छन् । उनी अब ‘पुष्पा’को सिक्वेल ‘पुष्पा २’मा देखिनेछन् । उनी पहिलो पटक २००३ मा आएको फिल्म ‘गंगोत्री’मा मुख्य कलाकारको रुपमा देखिएका थिए ।

सूर्या
सूर्या दक्षिणी सिनेमाका शीर्ष अभिनेता हुन् । रिपोर्टलाई विश्वास गर्ने हो भने उनले करिब ४० फिल्ममा काम गरिसकेका छन् जसमध्ये २६ वटा फिल्म हिट भएका छन् । आईएमडीबी रिपोर्टका अनुसार उनी अर्को फिल्म ‘वादिवासल’ र ‘कंगुव’मा देखिनेछन् ।

थालापथी विजय
थालापथी विजय साउथ सिनेमाका चर्चित स्टार हुन् । मिडिया रिपोर्टका अनुसार उनले करिब ६५ चलचित्रमा अभिनय गरेका छन् जसमध्ये ३६ चलचित्र बक्स अफिसमा सफल भएका छन् । अभिनेताको यसअघि रिलिज भएको ‘मास्टर’ले दर्शकको मन जितेको थियो ।

कमल हसन
कमल हसन भारतीय सिनेमाका दिग्गज हुन्, जसले साउथ बाहेक बलिउड फिल्ममा पनि काम गरेका छन् । मिडिया रिपोर्टका अनुसार सुपरस्टारले हालसम्म २०० भन्दा बढी फिल्ममा काम गरिसकेका छन् जसमध्ये करिब ९८ फिल्म निकै सफल भएका छन् । उनी अब प्रभास स्टारर फिल्म ‘कल्की २८९८ एडी’मा देखिनेछन् ।

रजनीकान्त
हिट फिल्म दिने मामिलामा रजनीकान्त अन्य साउथ अभिनेताभन्दा धेरै अगाडि छन् । सञ्चारमाध्यमका अनुसार उनले करिब १६८ फिल्ममा आफ्नो अभिनय सीप देखाइसकेका छन् जसमध्ये १२० फिल्म सफल भएका छन् । उनको अघिल्लो फिल्म ‘जेलर’ सुपरहिट भएको थियो । अब उनी ‘थलाइवर १७१’मा आफ्नो शक्ति देखाउनेछन् ।