बाजुरा । बाजुरामा एक गर्भवती महिलामाथि बलात्कार गरेको आरोपमा एक जना पक्राउ परेका छन् । जिल्लाको हिमाली गाउँपालिकाकी ३५ वर्षीय एक गर्भवती महिलामाथि जबरजस्ती करणी भएको आरोपमा प्रहरीले सोही ठाउँका एक जनालाई नियन्त्रणमा लिएको हो ।

उनी विरुद्ध अदालतबाट म्याद समेत थप भइसकेको जिल्ला प्रहरी कार्यालय बाजुराले जानकारी दिएको छ । पुस १० गते महिलामाथि बलात्कार गरेको भन्दै तीन दिनपछि जिल्ला प्रहरी कार्यालय बाजुरामा जाहेरी दर्ता भएको थियो ।