१ करोड १७ लाख भ्रष्टाचार, ३ लाख धरौटीमा छुटे आरोपित थापा

काठमाडौं । पशुपतिमा जलहरी राख्दा सुन हिनामिना गरेको आरोपमा पक्राउ परेका तत्कालीन सदस्यसचिव मिलनकुमार थापा ३ लाख धरौटीमा छुटेका छन् ।

अख्तियार दुरुपयोग अनुसन्धान आयोगले जलहरी प्रकरणमा पशुपति क्षेत्र विकास कोषका सदस्य सचिव डा. मिलनकुमार थापा, तत्कालीन सदस्य सचिव डा. प्रदीप ढकालसहित तीन जनाविरुद्ध जनही १७ लाख १ हजार ७८१ रुपैयाँ बिगो माग दाबी गर्दै गत असोजमा मुद्धा चलाएको थियो ।

अख्तियारले पशुपतिनाथ मन्दिरमा जलहरी राख्दा सुन हिनामिना गरेको आरोपमा सदस्य सचिव थापा, तत्कालीन सदस्य सचिव ढकाल र कोषका तत्कालीन बिशेट नाइके (स्टोरकिपर) अरुणकुमार श्रेष्ठविरुद्ध भ्रष्टाचार मुद्दा दायर गरेको थियो ।

विशेष अदालतका न्यायाधीशद्वय खुसीप्रसाद थारू र रामबहादुर थापाको इजलासले थापालाई ३ लाख धरौटीमा छाड्ने आदेश दिएको हो ।