वीरगञ्जमा गाँजासहित दुई जना पक्राउ

वीरगञ्ज । प्रहरीले गाँजासहित दुई जनालाई पक्राउ गरेको छ । पर्साको वीरगञ्ज महानगरपालिका २५ चण्डाल चोकमा चेकजाँच गर्ने क्रममा विश्रामपुरबाट वीरगञ्जतर्फ आउँदै गरेको ना १३ प ६५९५ नम्बरको मोटरसाइकलबाट गाँजा बरामद भएको हो ।

मोटरसाइकलमा सवार वीरगञ्ज महानगरपालिका १६ फुलबारी टोल बस्ने इस्लाम मियाँको साथबाट १ किलो ८ सय ग्राम गाँजा बरामद भएको पर्सा प्रहरीले जनाएको छ ।

यस्तै, वीरगञ्ज महानगरपालिका ९ घण्टाघर तरकारी बजारनजिकै रहेको टेम्पु स्टेशनबाट पर्सा सखुवाप्रसौनी गाउँपालिका ८ जमुनिया बस्ने ध्रुव ठाकुरलाई ३ किलो ५ सय ग्राम गाँजासहित प्रहरीले पक्राउ गरेको छ ।